టెన్నిస్ స్టార్ తల్లికి తుపాకీతో బెదిరింపులు.. తలకు గురిపెట్టి టెస్లా కార్ చోరీ
ఈ వార్తాకథనం ఏంటి
ఆస్ట్రేలియన్ టెన్నిస్ స్టార్ ప్లేయర్ కిర్గియోస్ తల్లికి చేదు అనుభవం ఎదురైంది. ఓ దుండగుడు ఆమెను తుపాకీతో బెదిరించి కారును దొంగలించడం కలకలం రేపింది. ఆస్ట్రేలియన్ బ్రాడ్ కాస్టింగ్ కార్పొరేషన్ వివరాల మేరకు కిర్గియోస్ తల్లి నొర్లిలియా టెస్లా కారులో షాషింగ్ కు వెళుతుండగా ఓ ఆగంతకుడు కారుకు అడ్డుగా వచ్చాడు. దీంతో ఆమె భయపడి కారును ఆపింది. వెంటనే ఆగంతకుడు ఆమె తలకు తుపాకీ గురి పెట్టి టెస్లా కారు తాళాలు ఇవ్వాలని బెదిరించాడు. నొర్లిలియా భయపడి తాళాలు ఇచ్చి పక్కకు వెళ్లిపోయింది. దీంతో దుండగుడు కారుతో అక్కడినుంచి పారిపోయాడు.
Details
యాప్ సాయంతో కారును కనుగొన్న కిర్గియోస్
నొర్లిలియా ఈ ఘటన నుంచి కోలుకొని పోలీసులకు సమాచారం అందించింది. విషయం తెలుసుకున్న కిర్గియోస్ తల్లితో మాట్లాడి జరిగిందంతా తెలుసుకున్నాడు. అయితే తన ఫోన్ లో ఉన్న యాప్ సాయంతో కారు ఎక్కడుందో కిర్గోయోస్ కనుక్కున్నాడు. ఈ సమాాచారాన్ని అతను పోలీసులకు చెరవేశాడు. వెంటనే పోలీసులు కారు ఉన్న ప్రాంతానికి చేరుకొని కారును స్వాధీనం చేసుకున్నారు. అనంతరం నిందితుడిని అదుపులోకి తీసుకొని అరెస్టు చేశారు.