IND vs AUS: భారత్-ఆస్ట్రేలియా టీ20ల్లో అద్భుత ప్రదర్శన చేసిన టాప్‌ బ్యాటర్లు.. లిస్ట్‌లో ఉన్న ప్లేయర్లు వీరే!
ఈ వార్తాకథనం ఏంటి
టీమిండియా-ఆస్ట్రేలియా టీ20 పోరాటం ఎప్పుడూ ఉత్కంఠభరితంగానే ఉంటుంది. ఇరు జట్లలోనూ శక్తివంతమైన ఆటగాళ్లు ఉండటంతో ప్రతి మ్యాచ్‌ ప్రేక్షకుల్లో ఉత్కంఠను రేపుతోంది. రేపటి నుంచి ప్రారంభమయ్యే ఈ టీ20 సిరీస్‌లో భారత జట్టుకు గణాంకాల ప్రకారం పైచేయి ఉంది. ఇప్పటి వరకు జరిగిన భారత్-ఆస్ట్రేలియా టీ20 మ్యాచ్‌లలో భారత్ ఎక్కువ విజయాలు సాధించింది. ఈ రెండు జట్ల మధ్య జరిగిన పోరాటాల్లో అత్యధిక పరుగులు చేసిన బ్యాట్స్‌మెన్లు ఎవరో ఇప్పుడు చూద్దాం. ఈ జాబితాలో ప్రస్తుతం భారత జట్టులో లేని ఓ ఆటగాడు అగ్రస్థానంలో ఉన్నాడు. ఇప్పటికీ అతనే నంబర్‌ 1 రన్‌ స్కోరర్‌.
Details
1. విరాట్ కోహ్లీ
ఈ లిస్టులో అగ్రస్థానంలో ఉన్న ఆటగాడు విరాట్ కోహ్లీ మొదటి స్థానంలో ఉన్నాడు. ఆస్ట్రేలియాపై తన కెరీర్‌లో 23 టీ20 మ్యాచ్‌లు ఆడిన కోహ్లీ, అద్భుతమైన స్థిరత్వంతో 49.70 సగటుతో మొత్తం 794 పరుగులు సాధించాడు. అతడు ఆస్ట్రేలియాపై 8 అర్ధ సెంచరీలు సాధించాడు. అతని అత్యధిక స్కోరు 90 పరుగులు. 2. గ్లెన్ మాక్స్వెల్ ఆస్ట్రేలియాకు చెందిన డేంజరస్ బ్యాట్స్‌మన్ గ్లెన్ మాక్స్వెల్ ఈ జాబితాలో రెండవ స్థానంలో ఉన్నాడు. భారత్‌తో జరిగిన 22 టీ20 మ్యాచ్‌ల్లో అతడు 31.88 సగటుతో 574 పరుగులు సాధించాడు. తన ధాటైన బ్యాటింగ్‌తో ప్రసిద్ధి చెందిన మాక్స్వెల్ ఈ సిరీస్‌లో కూడా తన విధ్వంసక ఆటతో భారత బౌలర్లకు సవాల్ విసరనున్నాడు.
Details
3. ఆరోన్ ఫించ్
ఆస్ట్రేలియా మాజీ కెప్టెన్ ఆరోన్ ఫించ్ ఈ లిస్టులో మూడవ స్థానంలో నిలిచాడు. భారత్‌పై మొత్తం 18 మ్యాచ్‌లు ఆడి 27.89 సగటుతో 500 పరుగులు చేశాడు. ఫించ్ ప్రస్తుతం టీ20 అంతర్జాతీయ క్రికెట్‌ నుంచి రిటైర్ అయ్యాడు. 4. మాథ్యూ వేడ్ ఆస్ట్రేలియా మాజీ వికెట్‌కీపర్-బ్యాట్స్‌మన్ మాథ్యూ వేడ్ ఈ జాబితాలో నాలుగవ స్థానంలో ఉన్నాడు. భారత్‌పై 17 టీ20 మ్యాచ్‌ల్లో అతడు 54.67 సగటుతో 488 పరుగులు సాధించాడు. గమనించదగ్గ విషయం ఏమిటంటే, వేడ్ కూడా 2024లో టీ20 క్రికెట్‌ నుంచి రిటైర్ అయ్యాడు.
Details
5. రోహిత్ శర్మ
ఈ జాబితాలో చివరి స్థానంలో ఉన్నాడు భారత మాజీ కెప్టెన్ రోహిత్ శర్మ. ఆస్ట్రేలియాతో 23 టీ20 మ్యాచ్‌ల్లో 28.90 సగటుతో 484 పరుగులు సాధించాడు. రోహిత్ కూడా ఇటీవల టీ20 అంతర్జాతీయ మ్యాచుల నుంచి రిటైర్ అయిన విషయం తెలిసిందే.