Expensive Cricket Bats: ప్రపంచ క్రికెట్లో అత్యంత ఖరీదైన బ్యాట్లు వాడే క్రికెటర్లు ఎవరో తెలుసా?
ఈ వార్తాకథనం ఏంటి
ప్రపంచవ్యాప్తంగా క్రికెట్‌కు ఉన్న క్రేజ్ అంతా వేరు. క్రికెటర్ల గురించి ఏ విషయాన్నైనా అభిమానులు ఆసక్తిగా తెలుసుకోవాలని కోరుకుంటారు.
ఈ క్రమంలో అత్యంత ఖరీదైన బ్యాట్లను వాడిన క్రికెటర్లు ఎవరు? అత్యంత ఎక్కువ ధర ఉన్న క్రికెట్ బ్యాట్‌ను వాడిన బ్యాటర్ ఎవరనే అంశాలు ఈ కథనంలో తెలుసుకుందాం.
వివియన్ రిచర్డ్స్: విండీస్ క్రికెట్ దిగ్గజం వివియన్ రిచర్డ్స్ ప్రపంచంలో అత్యంత ఖరీదైన బ్యాట్‌ను వాడారు. ఈ దిగ్గజ ఆటగాడు 'ది గ్రే నికోల్స్ లెజెండ్ గోల్డ్ బ్రాండ్' బ్యాట్ (Gray Nicolls Legend Bat) వాడారు. ఇంగ్లీష్ విల్లో కలపతో తయారుచేసిన ఈ బ్యాట్ ధర 14 వేల డాలర్లు. అంటే భారత కరెన్సీలో సుమారు రూ.11.74 లక్షలు.
వివరాలు
అత్యంత ఎక్కువ ధర ఉన్న క్రికెట్ బ్యాట్
స్టీవ్ స్మిత్: ఆస్ట్రేలియా టాప్ బ్యాటర్ స్టీవ్ స్మిత్ కూడా ఖరీదైన బ్యాట్‌ను వాడుతున్నారు. అతడు వాడే ఎన్ బీ (న్యూ బ్యాలెన్స్)బ్యాట్ ధర రూ.11 లక్షలు.
హార్దిక్ పాండ్య: టీమిండియా హార్డ్ హిట్టర్, ఆల్ రౌండర్ హార్దిక్ పాండ్య విలాసవంతమైన క్రికెటర్లలో ఒకరిగా పేరు తెచ్చుకున్నారు. పాండ్యకు విలాసవంతమైన కార్లు, బంగ్లాలు ఉన్నాయి. అంతేకాకుండా, అతడు వాడే బ్యాట్ కూడా ఖరీదైనది. ఈ ఆల్ రౌండర్ వాడే ఎస్ జీ(SG)బ్యాట్ ధర రూ.1,79,999.
క్రిస్ గేల్: వెస్టిండీస్ క్రికెట్ దిగ్గజం, సిక్సర్ల వీరుడు క్రిస్ గేల్ స్పార్టన్ బ్రాండ్ బ్యాట్ (Spartan Cricket Kit) వాడుతాడు. ఈ బ్యాట్‌తో బంతిని సునాయాశంగా బౌండరీకి తరలిస్తాడు. ఈ బ్యాట్ ధర రూ.1 లక్ష.
వివరాలు
అత్యంత ఎక్కువ ధర ఉన్న క్రికెట్ బ్యాట్
జాస్ బట్లర్: ఇంగ్లాండ్ స్టార్ బ్యాటర్ జాస్ బట్లర్ కూడా ఖరీదైన బ్యాట్‌ను వాడుతున్నాడు. అతడు వాడే కుకబురా (Kookaburra) బ్యాట్ ధర రూ.97 వేలు.
డేవిడ్ వార్నర్: ఆస్ట్రేలియా ఓపెనర్ డేవిడ్ వార్నర్ డీఎస్ సీ (Delux Sports Company) బ్యాట్ వాడుతాడు.దీని ధర రూ.95 వేలు.
బెన్ స్టోక్స్:ఇంగ్లాండ్ ఆల్ రౌండర్ బెన్ స్టోక్స్ జీఎం(Gun And More) బ్యాట్‌తో మైదానంలోకి దిగుతాడు. దాని ధర రూ.95 వేలు.
సూర్య కుమార్ యాదవ్: టీమిండియా విధ్వంసకర ప్లేయర్ సూర్య కుమార్ యాదవ్ ఎస్ఎస్ (Sareen Sports) బ్యాట్ వాడుతున్నారు. దీని ధర రూ.92 వేలు.
గార్డెనర్: ఆస్ట్రేలియా మహిళా క్రికెటర్ గార్డెనర్ రూ.91 వేల విలువైన బ్యాట్ వాడుతున్నారు.