చిన్ననాటి స్నేహితురాలిని భార్యగా ప్రమోట్ చేసిన తుషార్ దేశ్‌పాండే
ఈ వార్తాకథనం ఏంటి
చైన్నై సూపర్ కింగ్స్ ప్లేయర్లు వరుసగా పెళ్లి పీటలు ఎక్కుతున్నారు. ఈ మధ్యే చైన్నై సూపర్ కింగ్స్ స్టార్ ఓపెనర్ రుతురాజ్ గైక్వాడ్ తన ప్రేయసిని ఉత్కర్షను ఈనెల 3న పెళ్లి చేసుకున్నాడు. ఇప్పుడు మరో చైన్నై పేసర్ పెళ్లికి సిద్ధమయ్యాడు.
ఐపీఎల్ చైన్నై తరుపున అద్భుతంగా రాణించిన యువ పేసర్ తుషార్ దేశ్ పాండే ఓ ఇంటివాడు కాబోతున్నాడు. ముంబైలో తుషార్ నిశ్చితార్థం వైభవంగా జరిగింది. తన చిన్ననాటి స్నేహితురాలైన నభా గడ్డం వార్ చేతికి ఉంగరం తొడిగాడు.
ఈ వేడుకకు టీమిండియా క్రికెటర్ శివం దూబే హజరయ్యారు. ప్రస్తుతం నిశ్చితార్థ వేడుక ఫోటోలు సోషల్ మీడియాలో వైరల్ అయ్యాయి.
Details
వైభవంగా తుషార్ దేశ్ పాండే నిశ్చితార్థం
తుషార్ దేశ్ పాండ్, నభా గడ్డం వర్ ఇద్దరూ చిన్నప్పుడు ఒకే స్కూల్‌లో చదువుకున్నారు. అప్పటి నుంచి వీరిమధ్య మొదలైన స్నేహం, ప్రేమగా మారింది.
ఈ ఇద్దరి ప్రేమకు ఇరు కుటుంబాలు అంగీకరించడంతో కుటుంబ పెద్దలు ఎంగేజ్ మెంట్ నిర్వహించారు.
తన స్కూల్ క్రష్ నుండి తనకు కాబోయే భార్యగా ఆమె(నభా) ప్రమోట్ అయ్యింది'అంటూ దేశ్ పాండే ట్వీట్ చేశారు
చైన్నై తరుపున 16 మ్యాచులాడిన తుషార్ దేశ్ పాండే 21 వికెట్లు పడగొట్టాడు. ఈ సీజన్లో సీఎస్కే తరుపున అత్యధిక వికెట్లు తీసిన బౌలర్ అతనే కావడం విశేషం.