ధోతి కట్టుకొని సిక్సర్ బాదిన వెంకటేష్ అయ్యర్.. వీడియో వైరల్
కోల్‌కతా నైట్ రైడర్స్ జట్టు ఆల్ రౌండర్ వెంకటేష్ అయ్యర్ ధోతీ కట్టుతో క్రికెట్ ఆడాడు. ఇటీవల ముగిసిన ఐపీఎల్ 16వ సీజన్లో తన బ్యాటింగ్ తో క్రీడా అభిమానులను ఆకట్టుకున్న విషయం తెలిసిందే. ఈ సీజన్లో 14 మ్యాచులు ఆడిన అతను 404 పరుగులు చేశాడు. ఇందులో ఒక సెంచరీ, రెండు హాఫ్ సెంచరీలను బాదాడు. అదే విధంగా బ్రెండన్ మెకల్లమ్ తర్వాత కేకేఆర్ తరపున శతకం సాధించిన తొలి బ్యాటర్ అయ్యర్ నిలిచిన విషయం తెలిసిందే. అయ్యర్ ఈ సీజన్లో అద్భుతంగా ప్రదర్శన చేసినప్పటికీ కేకేఆర్ జట్టు ఫ్లేఆఫ్స్ చేరుకోవడంలో విఫలమైంది. పాయింట్ల పట్టికలో ఏడో స్థానంతో సరిపెట్టుకుంది.
విద్యార్థులతో క్రికెట్ ఆడిన అయ్యర్
ప్రస్తుతం శ్రేయస్ అయ్యర్ వెకేషన్ ను ఎంజాయ్ చేస్తున్నాడు. కాంచీపురంలోని ఓ వేద పాఠశాలను సందర్శించి అక్కడ పిల్లలతో సరదాగా క్రికెట్ ఆడాడు. వారితో కలిసి సంప్రదాయ దుస్తులు ధరించాడు. ఇందుకు సంబంధించిన వీడియోను అయ్యర్ తన ఇన్ స్టాగ్రామ్ ఖాతాలో పోస్టు చేశాడు. క్రికెట్ పట్ల వారికి ఉన్న ప్రేమ నమ్మశక్యం కానిదని, కాంచీపురంలోని వేద పాఠశాల విద్యార్థులతో సరాదాగా ఇలా గడిపానని వీడియోకు అతను క్యాప్షన్ ఇచ్చాడు. ఈ వీడియోను చూసిన నెటిజన్లు తెగ కామెంట్లు పెడుతున్నాడు. మొత్తం ఐపీఎల్ కెరీర్ లో 36 మ్యాచులు ఆడిన అతను 956 పరుగులు చేశాడు. అదే విధంగా టీమిండియా తరుపున రెండు వన్డేలు, తొమ్మిది టీ20 మ్యాచులు ఆడాడు.
