Virat Kohli New Look: ఆసియా కప్ కోసం నయా లుక్‌లో విరాట్ కోహ్లీ.. చూస్తే వావ్ అనాల్సిందే!
ఈ వార్తాకథనం ఏంటి
టీమిండియా స్టార్ ఆటగాడు విరాట్ కోహ్లీ తన అద్భుతమైన ఆటతీరుతో ప్రపంచ వ్యాప్తంగా అభిమానుల్ని సంపాదించుకున్నాడు.
కోహ్లీ మైదానంలోకి దిగగానే అందరి చూపు అతనిపైనే ఉంటుంది. ఎన్నోసార్లు టీమిండియా చిరస్మరణీయ విజయాలను అందించి తనకంటూ ఓ ప్రత్యేకమైన గుర్తింపును తెచ్చుకుంటున్నాడు.
ఇదిలా ఉంటే మరో రెండు రోజులలో ఆసియా కప్ ప్రారంభం కానుంది. ఈ నేపథ్యంలో విరాట్ కోహ్లీ కొత్త లుక్ లో దర్శనమిచ్చాడు.
ప్రస్తుతం ఆ లుక్ కు సంబంధించిన ఫోటోలు సోషల్ మీడియా వేదికగా వైరల్ అయ్యాయి. ఇక అభిమానులు కోహ్లీ లుక్ అదిరిపోయిందంటూ తెగ కామెంట్లు పెడుతున్నారు.
Details
విరాట్ కోహ్లీ న్యూ హెయిర్ కట్ సూపర్బ్
టీమిండియా రన్ మెషిన్ విరాట్ కోహ్లీ కొత్త హెయిర్ కట్ ప్రస్తుతం అభిమానుల్ని విపరీతంగా అకట్టుకుంటోంది. 'కోహ్లీ న్యూ లుక్ సూపర్బ్' అంటూ అభిమానులు సోషల్ మీడియా వేదికగా కామెంట్ల వర్షం కురిపిస్తున్నారు.
ఇక ఈ ఏడాది ఆసియా కప్ హైబ్రిడ్ మోడల్‌లో జరగనుంది. ఈ టోర్నీకి పాకిస్థాన్, శ్రీలంక ఆతిథ్యమిస్తున్నాయి.
ఈ టోర్నీలో భారత్, పాకిస్థాన్ తిలకించడానికి ప్రపంచ వ్యాప్తంగా క్రికెట్ ఫ్యాన్స్ వెయ్యి కళ్లతో ఎదురుచూస్తున్నారు. ఈ ఆసియా కప్‌లో విజేతగా ఎవరు నిలుస్తారో తెలియాలంటే మరికొద్ది రోజులు వేచిఉండాల్సిందే.