విరాట్ కోహ్లీ నన్ను ప్రశంసించడం గర్వంగా ఉంది : పాక్ కెప్టెన్
ఆసియా కప్ 2023 మొదటి మ్యాచులో నేపాల్ జట్టుపై పాకిస్థాన్ ఘన విజయం సాధించింది. ఇక సెప్టెంబర్ 2న జరగబోయే భారత్-పాకిస్థాన్ మ్యాచు కోసం కోట్లాది మంది అభిమానులు ఎదురుచూస్తున్నారు. ఈ క్రమంలో గతంలో విరాట్ కోహ్లీ తనను ప్రశంసిస్తూ చేసిన కామెంట్లపై బాబర్ అజామ్ స్పందించాడు. టీమిండియా మాజీ కెప్టెన్ విరాట్ కోహ్లీ, తనను ప్రశంసించడంపై కెప్టెన్ బాబర్ అజామ్ సంతోషం వ్యక్తం చేశారు. ప్రపంచంలోని బెస్ట్ బ్యాటర్ కోహ్లీ నుంచి పాజిటివ్ కామెంట్స్ రావడం ఎంతో గర్వకారణంగా ఉందని, ఎవరి దగ్గర నుంచైనా సానుకూల కామెంట్లు వస్తే చాలా ఆనందంగా ఉంటుందని బాబర్ అజామ్ చెప్పుకొచ్చాడు.
బాబర్ అన్ని ఫార్మాట్లోనూ అద్భుతంగా రాణిస్తున్నాడు: కోహ్లీ
2019 వరల్డ్ కప్ సందర్భంగా విరాట్ కోహ్లీని కలిశానని, అప్పుడు కెరియర్ పరంగా కోహ్లీ ఉన్నత స్థాయిలో ఉన్నాడని, అతడి నేర్చుకునేందుకు అవకాశం ఉంటుందని అప్పట్లో కోహ్లీని కలిసేందుకు వెళ్లానని, అప్పట్లో అతను మాట్లాడిన తీరు తనను ఎంతో ఆకట్టుకుందని బాబర్ వెల్లడించారు. ఇటీవల ఓ ఇంటర్వ్యూలో పాక్ కెప్టెన్ బాబర్ అజామ్ గురించి కోహ్లీ ఆసక్తికర విషయాలను తెలియజేశాడు. తొలిసారి బాబర్ ను కలిసినప్పటి నుంచి ఇప్పటి వరకూ బాబర్ పట్ల ఉన్న గౌరవం ఏ మాత్రం తగ్గలేదని, బాబర్ అన్ని ఫార్మాట్లోనూ అత్యుత్తమంగా రాణిస్తున్నాడని వివరించారు.
