MI vs GT: క్వాలిఫయర్‌-2 మ్యాచులో గెలిచేదెవరో..? గుజరాత్, ముంబై మధ్య నేడు బిగ్ ఫైట్
ఈ వార్తాకథనం ఏంటి
లక్నోపై విజయంతో జోరు మీదున్న ముంబై ఇండియన్స్.. చైన్నై చేతిలో పరాజయం పాలైన గుజరాత్ టైటాన్స్ అమీతుమీకి సిద్ధమయ్యాయి.
ఐపీఎల్ 16వ సీజన్‌లో ఇప్పటికే చైన్నై ఫైనల్‌కు చేరుకోగా.. మరో బెర్తు ఈ ఇరు జట్లు అహ్మదాబాద్ వేదికగా తలపడనున్నాయి. ఐపీఎల్‌లో ఐదు టైటిళ్లు నెగ్గిన ముంబై ఇండియన్స్ మరో కీలక పోరుకు రెడీ అయింది.
లీగ్ దశలో వరుస విజయాలతో దూసుకెళ్లిన గుజరాత్ ఫ్లేఆఫ్స్‌లో చైన్నై చేతిలో ఓటమిపాలైంది. గుజరాత్ టైటాన్స్ తరుపున శుభ్‌మాన్ గిల్, విజయ శంకర్ మినహా మిగతా ప్లేయర్స్ ఎక్కువ పరుగులను సాధించడం లేదు.
హార్ధిక్ పాండ్యా, మిల్లర్, రాహుల్ తెవాటియా బ్యాట్ ఝుళిపించడంపైనే గుజరాత్ గెలుపు ఆశలు ఆధారపడ్డాయి.
Details
గురు, శిష్యుల మధ్య పోరు
బౌలింగ్ విభాగంలో ముంబై కంటే గుజరాత్ స్ట్రాంగ్ ఉంది. మహ్మద్ షమీ, మోహిత్ శర్మ తో పాటు రషీద్ ఖాన్, నూర్ అహ్మద్ రూపంలో ఇద్దరు నాణ్యమైన స్పిన్నర్లు ఉన్నారు. ముంబై బ్యాటింగ్ లైనప్ పటిష్టంగా కనిపిస్తోంది.
రోహిత్ శర్మ, ఇషాన్ కిషన్, కామెరూన్ గ్రీన్, సూర్యకుమార్ యాదవ్, తిలక్ వర్మ, టిమ్ డేవిడ్, నేహల్ వధేరా రూంలో బ్యాటింగ్ శత్రుదుర్భేద్యంగా ఉంది. ఇక బౌలింగ్ లో ఆకాష్ మధ్వాల్ విజృంభిస్తున్నాడు.
రోహిత్ కెప్టెన్సీలో రాటు దేలిన పాండ్యా.. అతడి వ్యూహాలను ఎలా అడ్డుకుంటాడో వేచి చూడాలి. ఇరు జట్ల మధ్య స్టార్ ప్లేయర్లు ఉండటంతో మ్యాచ్ హోరాహోరీగా జరగనుంది.