IPL 2023 : గుజరాత్ టైటాన్స్ పై గెలిచి సన్ రైజర్స్ పరువు నిలబెట్టుకుంటుందా..?
ఇండియన్ ప్రీమియర్ లీగ్ 2023లో భాగంగా 62వ మ్యాచులో గుజరాత్ టైటాన్స్, సన్ రైజర్స్ హైదరాబాద్ తలపడనున్నాయి. అహ్మదాబాద్ వేదికగా ఈ మ్యాచ్ జరగనుంది. సన్ రైజర్స్ పై గెలిచి ఫ్లే ఆఫ్ చేరుకున్న తొలి జట్టుగా నిలవాలని పాండ్యాసేన గట్టి పట్టుదలగా ఉంది. మరోవైపు సన్ రైజర్స్, గుజరాత్ పై గెలిచి పరువు నిలబెట్టుకోవాలని తహతహలాడుతోంది. గుజరాత్ టైటాన్స్ ను హోం గ్రౌండ్ లో ప్రత్యర్థులు ఓడించడం సులువేం కాదు. పైగా జట్టులో అంతా ఫుల్ ఫామ్ లో ఉన్నారు. ఓపెనర్లగా గిల్, వృద్ధిమాన్ సాహా అదరిపోయే ఆరంభాన్ని అందిస్తున్నారు. ఇక హార్ధిక్ పాండ్యా, విజయశంకర్, మనోహర్, డేవిడ్ మిల్లర్ చెలరేగుతున్నారు. రాహుల్ తెవాటియా, రషీద్ ఖాన్ ఫినిషింగ్ టచ్ ఇస్తున్నారు.
ఇరు జట్లలోని సభ్యులు
ఈ మ్యాచ్ లో సన్ రైజర్స్ విజయం సాధిస్తే ఫ్లే రేసులో ఉంటుంది. అయితే మిగతా రెండు మ్యాచుల్లో భారీ మార్జిన్ తో నెగ్గాల్సి ఉంటుంది. మిడిలార్డర్ లో హెన్రిచ్ క్లాసెన్ ఒక్కడే రాణిస్తున్నాడు. గ్లెన్ ఫిలిప్స్, మార్ క్రమ్ ఫర్వాలేదనిపించినా.. మిగతా బ్యాటర్లు విఫలమవుతున్నారు. ఇక బౌలింగ్ లో సన్ రైజర్స్ లోపాలు సవరించుకుంటే గెలిచే అవకాశాలు ఉంటాయి. గుజరాత్ : సాహా, గిల్, హార్దిక్ పాండ్యా (సి), మిల్లర్, విజయ్ శంకర్, రాహుల్ తెవాటియా, రషీద్ ఖాన్, మోహిత్ శర్మ, షమీ, అల్జారీ జోసెఫ్, నూర్అహ్మద్ హైదరాబాద్ : అభిషేక్ శర్మ, అన్మోల్‌ప్రీత్ సింగ్, త్రిపాఠి, హెన్రిచ్ క్లాసెన్, మార్క్‌రామ్, ఫిలిప్స్, సమద్, నటరాజన్, మార్కండే, భువనేశ్వర్ కుమార్, ఫరూఖీ
