WPL Auction 2026 : డబ్ల్యూపీఎల్ మెగా వేలం.. ఫ్రాంచైజీల రిటెన్షన్, ఆర్టీఎం రూల్స్ పూర్తి వివరాలివే!
ఈ వార్తాకథనం ఏంటి
మహిళల ప్రీమియర్ లీగ్ (WPL) మూడు సీజన్లు విజయవంతంగా ముగించుకుంది. ఇప్పుడు నాలుగో సీజన్‌కు దిశగా ప్రిపరేషన్లు ప్రారంభమయ్యాయి. WPL 2026 సీజన్ కంటే ముందే మెగా వేలం (WPL Auction 2026) నిర్వహించడానికి బీసీసీఐ సిద్ధమవుతోంది. తాజా సమాచారం ప్రకారం నవంబర్ 26 లేదా 27 తేదీల్లో ఢిల్లీ వేదికగా వేలం జరగవచ్చని నిర్వాహకులు సన్నాహకాలు చేస్తున్నారు. అయితే, బీసీసీఐ అధికారికంగా ఇంకా తేదీ ప్రకటించలేదు. ఫ్రాంచైజీలు ఏ విధంగా ప్లేయర్లను అట్టిపెట్టుకోవాలో ఇప్పటికే సమాచారం అందింది. ఒక్కో ఫ్రాంచైజీ గరిష్టంగా ఐదుగురిని రిటైన్ చేయవచ్చు, ఇందులో ముగ్గురు భారతీయులు, ఇద్దరు విదేశీ ఆటగాళ్లు ఉండే అవకాశం ఉంది. రిటైన్ ప్లేయర్ల కోసం ఫీజులు ఇలా నిర్ణయించారు:
Details
ద
తొలి ప్లేయర్: రూ. 3.5 కోట్లు రెండో ప్లేయర్: రూ. 2.5 కోట్లు మూడో ప్లేయర్: రూ. 1.75 కోట్లు నాల్గో ప్లేయర్: 1 కోట్లు ఐదో ప్లేయర్: రూ. 50 లక్షలు ప్రతి ఫ్రాంచైజీకి మొత్తం పర్స్ వాల్యూ రూ. 15 కోట్లు. ఐదుగురిని రిటైన్ చేస్తే పర్స్ నుండి 9.75 కోట్లు ఖర్చు అవుతుంది. ప్రతి జట్టు గరిష్టంగా 18 మంది ప్లేయర్లను కలిగి ఉండగలదు. మొత్తం ఐదు ఫ్రాంచైజీలలో 90 మంది ప్లేయర్లు ఉండనున్నారని అంచనా. రిటెన్షన్ ప్లేయర్ల జాబితాను నవంబర్ 5లోపు బీసీసీఐకి సమర్పించాల్సి ఉంటుంది.
Details
ఐదుగురిని రిటైన్ చేసుకుంటే వేలంలో RTM ఉపయోగించలేరు
రైట్ టు మ్యాచ్ (RTM) ఎంపికల విషయంలో కూడా వివరాలు వెల్లడయాయి. ఒక్కో ఫ్రాంచైజీకి ఐదు RTM ఎంపికలు ఉంటాయి, కానీ ఈ ఎంపికల సంఖ్య ఫ్రాంచైజీ అట్టిపెట్టిన ప్లేయర్లపై ఆధారపడి ఉంటుంది. ఉదాహరణకు, ఐదుగురిని రిటైన్ చేసుకుంటే వేలంలో RTM ఉపయోగించలేరు. రిటెన్షన్లు లేకుండా వెళ్లే జట్లు, అయితే, ఐదు RTMలను పూర్తి ఉపయోగించుకోవచ్చు. ఈ విధంగా WPL 2026కి ముందు మెగా వేలం ప్రిపరేషన్లు, ఫ్రాంచైజీల రిటెన్షన్ విధానం, RTM రూల్స్ పూర్తిగా రూపొందించారు.