Russia Ukraine War: 117 డ్రోన్లు.. 18 నెలల గేమ్ ప్లాన్.. రష్యా గుండెల్లో గుబులు పెట్టించిన ఉక్రెయిన్!
ఈ వార్తాకథనం ఏంటి
రష్యాపై ఉక్రెయిన్ చేసిన అత్యంత సమన్విత డ్రోన్ దాడి ప్రపంచవ్యాప్తంగా చర్చకు దారి తీసింది. దాదాపు మూడు సంవత్సరాలుగా కొనసాగుతున్న యుద్ధంలో ఈ రకమైన దాడి తొలిసారి చోటుచేసుకుంది.
రష్యాలోని వ్యూహాత్మక స్థాయిలో ఉన్న సుదూర వైమానిక స్థావరాలపై ఉక్రెయిన్ విరుచుకుపడింది. ముఖ్యంగా అణు సామర్థ్యం కలిగిన బాంబర్లే ప్రధానంగా లక్ష్యంగా నిలిచాయి.
ఈ దాడిలో 40కి పైగా రష్యన్ యుద్ధ విమానాలు ధ్వంసమయ్యాయి. దాదాపుగా 7 బిలియన్ డాలర్ల ఆస్తినష్టం జరిగినట్లు తెలుస్తోంది. మాస్కో కూడా ఈ దాడిని ధ్రువీకరించింది.
విశేషంగా టర్కీలో శాంతి చర్చలు మొదలయ్యే రోజే ఈ దాడి జరగడం గమనార్హం. ఉక్రెయిన్ అధ్యక్షుడు జెలెన్స్కీ ఈ దాడిని "అద్భుతమైన ఆపరేషన్"గా అభివర్ణించారు...
Details
117 డ్రోన్లు - 18 నెలల ప్రణాళిక
ఈ దాడి వెనుక చాలా రోజుల ప్లానింగ్ ఉంది. 'ఆపరేషన్ స్పైడర్ వెబ్' పేరుతో నిర్వహించిన ఈ మిషన్‌కు 18 నెలల సమయం పట్టింది.
మొత్తం 117 డ్రోన్లు ఉపయోగించి ఉక్రెయిన్ పై ఈ దాడిని అమలు చేసింది. జెలెన్స్కీ స్వయంగా ఈ వివరాలను వెల్లడించారు.
ఈ ఆపరేషన్‌ను 'రష్యా నిఘా సంస్థ ఎఫ్‌ఎస్‌బీ' కార్యాలయం పక్కననున్న ఒక కార్యాలయం నుంచే సమన్వయించారు.
ఈ దాడిలో రష్యా వ్యూహాత్మక క్రూయిజ్ క్షిపణి వాహక నౌకల్లో 34 శాతం ధ్వంసమైనట్లు ఉక్రెయిన్ పేర్కొంది.
దాడి సమయంలో ట్రక్కుల్లో చెక్కకట్టల కింద డ్రోన్లను రవాణా చేసి, అవసరమైనప్పుడు రిమోట్ కంట్రోల్ సాయంతో పైకప్పును తెరిచి విమాన స్థావరాలపై దాడి చేశారు.
Details
దాదాపు 4,300 కిలోమీటర్ల లోపలే దాడి!
ఈ ఆపరేషన్‌లో ముర్మాన్స్క్, ఇర్కుట్స్క్, ఇవనోవో, రియాజాన్, అముర్ ప్రాంతాల్లోని ఐదు ముఖ్యమైన ఎయిర్‌బేస్‌లు లక్ష్యంగా మారాయి.
ముఖ్యంగా బెలాయా ఎయిర్‌బేస్ (ఇర్కుట్స్క్ ఓబ్లాస్ట్).. ఉక్రెయిన్ సరిహద్దు నుండి సుమారు 4,300 కిలోమీటర్ల దూరంలో ఉంది.
ఒలెన్యా ఎయిర్‌బేస్ (ముర్మాన్స్క్ ఓబ్లాస్ట్) - ఫ్రంట్‌లైన్ ప్రాంతాల నుంచి సుమారు 2,000 కిలోమీటర్ల దూరంలో ఉంది.
ఈ స్థావరాలపై దాడులు జరగడం ఉక్రెయిన్ టెక్నికల్ శక్తిని ప్రదర్శించడమే కాదు, రష్యా రక్షణ వ్యవస్థలపై కూడా కీలక ప్రశ్నలు లేవనెత్తుతోంది.