సూడాన్ పోరాటంలో 413 మంది మృతి: డబ్ల్యూహెచ్‌ఓ
ఈ వార్తాకథనం ఏంటి
సూడాన్ జరుగుతున్న సాయుధ పోరాటంపై ప్రపంచ ఆరోగ్య సంస్థ(డబ్ల్యూహెచ్‌ఓ) ఆవేదన వ్యక్తం చేసింది. సూడాన్ వివాదంలో 413 మంది మరణించారని పేర్కొంది.
ఈ పోరాటంలో పిల్లలు అధిక మూల్యాన్ని చెల్లిస్తున్నారని ఆందోళన వ్యక్తం చేసింది. సూడాన్ పోరులో కనీసం తొమ్మిది మంది మరణించారని, 50 మందికి పైగా తీవ్రంగా గాయపడ్డారని టర్కిష్ వార్తా సంస్థ ఏజెన్సీ అనడోలు నివేదించింది.
సూడాన్‌లో జరుగుతున్న సాయుధ పోరాటంలో 3,551 మంది గాయపడినట్లు డబ్ల్యూహెచ్‌ఓ ప్రతినిధి మార్గరెట్ హారిస్ తెలిపారు. దేశ సైన్యం, పారామిలిటరీ ర్యాపిడ్ సపోర్ట్ ఫోర్సెస్ (ఆర్‌ఎస్‌ఎఫ్) మధ్య కొన్ని రోజులుగా భీకర పోరు జరుగుతోంది. ఈ పోరాటంలో సామాన్య ప్రజలు బలవుతున్నారు.
సూడాన్
ఇరు వర్గాల దాడులతో మూతపడుతున్నఆస్పత్రులు
ఏప్రిల్ 15 నుంచి ప్రారంభమైన ఈ పోరాటంలో ఆస్పత్రులపై దాడులు చేస్తున్నట్లు మార్గరెట్ హారిస్ పేర్కొన్నారు.
దాడుల కారణంగా 20పైగా ఆరోగ్య కేంద్రాల్లో విధులు నిలిచిపోయిటన్లు చెప్పారు. మరో 12 ఆస్పత్రులు త్వరలో సేవలను నిలిపివేసే ప్రమాదంలో ఉన్నాయని వెల్లడించారు.
ఆస్పత్రులు మూతపడటం వల్ల పోరాటంలో గాయపడిన వారికి చికిత్స అందడంలో ఇబ్బంది అవతుందని, అలాగే అంతకు ముందు చికిత్స తీసుకునే వారు కూడా ప్రభావితమవుతారని హారిస్ ఆందోళన వ్యక్తం చేశారు.
ఆహారం, నీరు, మందులు లేక పెద్దలు బాధపడుతున్నారని హారిస్ చెప్పుకొచ్చారు. సూడాన్‌లో పోషాకాహార లోపంతో బాధపడుతున్న 50,000 మంది పిల్లలను రక్షించడమే తమ లక్ష్యంగా పెట్టుకున్నట్లు చెప్పారు.