USA: జెలెన్స్కీకి భారీ ఎదురు దెబ్బ.. ట్రంప్ సర్కారు కీలక నిర్ణయం!
ఈ వార్తాకథనం ఏంటి
ఉక్రెయిన్పై రష్యా జరిపిన ఆక్రమణకు కారణమైన నాయకులపై విచారణ జరిపేందుకు ఏర్పాటైన మల్టీనేషనల్ గ్రూప్ నుంచి అమెరికా బయటకు వెళ్లనుంది. ఈ గ్రూప్ ప్రధానంగా రష్యా అధ్యక్షుడు వ్లాదిమిర్ పుతిన్పై దర్యాప్తు నడపాల్సి ఉంది. తాజాగా అమెరికా 'ది ఇంటర్నేషనల్ సెంటర్ ఫర్ ది ప్రాసిక్యూషన్ ఆఫ్ క్రైమ్ ఆఫ్ అగ్రెషన్ అగైనెస్ట్ ఉక్రెయిన్' నుంచి వైదొలగనుంది. 2023లో ట్రంప్ ప్రభుత్వం ఈ గ్రూప్లో చేరగా, రష్యా, బెలారస్, ఉత్తర కొరియా, ఇరాన్లపై అంతర్జాతీయ చట్టాల ఉల్లంఘనలకు సంబంధించి విచారణ జరిపేందుకు ఈ సంస్థ ఏర్పాటైంది. 'ది యూరోపియన్ యూనియన్ ఏజెన్సీ ఫర్ క్రిమినల్ జస్టిస్ కోఆపరేషన్'కు సోమవారం అమెరికా తన వైదొలగింపు నిర్ణయాన్ని మెయిల్ ద్వారా తెలియజేయనుందని సమాచారం.
Details
రేపు పుతిన్ తో ట్రంప్ చర్చలు
ఉక్రెయిన్-రష్యా యుద్ధ విషయంలో అమెరికా వేగంగా నిర్ణయాలు తీసుకుంటోంది. కాల్పుల విరమణ అమలుకు మద్దతుగా మంగళవారం డొనాల్డ్ ట్రంప్ స్వయంగా రష్యా అధ్యక్షుడు వ్లాదిమిర్ పుతిన్తో ఫోన్లో చర్చలు జరపనున్నారు.
ఈ సమాచారం ఫ్లోరిడా నుంచి వాషింగ్టన్కు ప్రయాణిస్తుండగా, ఎయిర్ఫోర్స్ వన్లో ట్రంప్ వెల్లడించారు.
తాను మంగళవారం పుతిన్తో చర్చలు జరుపుతానని, భూమి, విద్యుత్ ప్లాంట్ల విషయంపై కూడా చర్చలుంటాయని తెలిపారు.
రష్యా-ఉక్రెయిన్ మధ్య కొన్ని ఆస్తుల పంపకంపై ఇప్పటికే చర్చించానని ట్రంప్ వ్యాఖ్యానించినట్లు ప్రముఖ ఆంగ్ల వార్తా సంస్థ 'రాయిటర్స్' వెల్లడించింది.
Details
ఇరు దేశాల మధ్య మంతనాలు
ఈ వారంలో అమెరికా-రష్యా నేతల మధ్య చర్చలు జరుగుతాయని శ్వేతసౌధం ప్రత్యేక ప్రతినిధి స్టీవ్ విట్కాఫ్ ప్రకటించారు.
ఈ నేపథ్యంలో ఇరు దేశాల మధ్య మంతనాలు మరింత వేగంగా సాగుతున్నాయి.
శుక్రవారం క్రెమ్లిన్ ప్రతినిధి దిమిత్రి పెస్కోవ్ మాట్లాడుతూ, పుతిన్ తన సందేశాన్ని స్టీవ్ విట్కాఫ్ ద్వారా ట్రంప్కు పంపించినట్లు పేర్కొన్నారు.
Details
ఉక్రెయిన్ భవిష్యత్పై రష్యా ప్రస్తుత వైఖరి
రష్యా డిప్యూటీ విదేశాంగ మంత్రి అలెగ్జాండర్ గ్రూష్కో తాజా వ్యాఖ్యల ప్రకారం, ఉక్రెయిన్కు నాటో సభ్యత్వం కల్పించకూడదని రష్యా కట్టుదిట్టంగా కోరుతోంది.
ఉక్రెయిన్ ఎట్టి పరిస్థితుల్లోనూ తటస్థంగా ఉండాలని రష్యా స్పష్టమైన సంకేతాలు పంపింది. ఇక, రష్యా-ఉక్రెయిన్లు 30 రోజులపాటు కాల్పుల విరమణ అమలు చేయడంపై సానుకూలంగా ఉన్నట్లు తెలుస్తోంది.
ఈ నేపథ్యంలో రాబోయే ట్రంప్-పుతిన్ చర్చలు ఉక్రెయిన్ భవిష్యత్పై కీలక ప్రభావం చూపే అవకాశం ఉంది.