US Immigration: వలసదారులకు కఠిన షాక్‌.. 5 లక్షల మందికి తాత్కాలిక హోదా రద్దు చేసిన ట్రంప్ ప్రభుత్వం
ఈ వార్తాకథనం ఏంటి
అగ్రరాజ్య అధ్యక్షుడిగా డొనాల్డ్‌ ట్రంప్ (Donald Trump) అధికారంలోకి వచ్చినప్పటి నుంచి వలస విధానంపై అమెరికా ప్రభుత్వం కఠిన నిర్ణయాలు తీసుకుంటోంది.
ఇప్పటికే అక్రమ వలసదారులపై ఉక్కుపాదం మోపి, వారిని దేశం నుంచి తరిమేస్తున్న సంగతి తెలిసిందే.
ఈ క్రమంలో తాజాగా తాత్కాలిక వలసదారులపైనా ట్రంప్ ప్రభుత్వం కఠిన చర్యలు చేపట్టింది.
యూఎస్‌ వ్యాప్తంగా 5 లక్షల మందికి పైగా వలసదారులకు తాత్కాలిక నివాస హోదాను (Temporary Status for Immigrants) రద్దు చేస్తున్నట్లు డిపార్ట్‌మెంట్‌ ఆఫ్‌ హోమ్‌లాండ్‌ సెక్యూరిటీ సంచలన ప్రకటన చేసింది.
Details
నెల రోజుల్లో దేశం నుంచి బహిష్కరణ
క్యూబా, హైతీ, నికరాగ్వా, వెనెజువెలా దేశాలకు చెందిన 5,32,000 మంది వలసదారులకు చట్టపరమైన రక్షణను రద్దు చేస్తున్నట్లు తెలిపింది.
2022 అక్టోబర్‌ తర్వాత ఆ నాలుగు దేశాల నుంచి అమెరికాకు వలస వచ్చినవారు ఈ కఠిన నిర్ణయానికి గురవుతున్నారు.
వీరిని నెల రోజుల్లో దేశం నుంచి బహిష్కరించనున్నట్లు హోమ్‌లాండ్‌ సెక్యూరిటీ విభాగం వెల్లడించింది. అమెరికాలో వలసదారులకు ఇది భారీ ఎదురుదెబ్బగా మారింది.