హోండురాన్: మహిళా జైలులో ఘర్షణ; 41మంది ఖైదీలు మృతి
ఈ వార్తాకథనం ఏంటి
మధ్య అమెరికాలోని స్వతంత్ర దేశమైన సెంట్రల్ హోండురాస్‌లోని మహిళా జైలులో బుధవారం అల్లర్లు చెలరేగాయి.
ఈ ఘర్షణలో 41 మంది ఖైదీలను మరణించినట్లు ది న్యూయార్క్ టైమ్స్ నివేదించింది. చాలా మంది మహిళా ఖైదీలు చనిపోయారని, మరణాలు పెరిగే అవకాశం ఉందని పబ్లిక్ ప్రాసిక్యూటర్ కార్యాలయ ప్రతినిధి యూరి మోరా చెప్పారు.
ఈ ఘటనపై ఆ దేశ రక్షణ ఉపమంత్రి, హోండురాన్ పెనిటెన్షియరీ సిస్టమ్ హెడ్ జూలిస్సా విల్లాన్యువా దిగ్భ్రాంతిని వ్యక్తం చేశారు.
తాజాగా జరిగిన ఘర్షణలు అత్యంత ఘోరమైన జైలు అల్లర్లు నిలిచిపోయాయి. హోండురాన్‌లో 2019లో రెండు పురుషుల జైళ్లలో జరిగిన ఘర్షణల్లో 40మంది మరణించారు.
జైలు
మహిళా జైలులో ఇటీవలి పెరిగిన హత్యలు
హోండురాన్‌లోని మహిళా జైలులో ఇటీవలి సంవత్సరాల్లో హత్యలు పెరిగాయి. ఇక్కడ రెండు ప్రత్యర్థి నేర సంస్థలకు చెందిన మహిళా ముఠా సభ్యుల మధ్య తరుచూ ఘర్షణలు జరుగుతుంటాయి.
ఈ ఘర్షణల సమయంలో అనేక మంది ఖైదీలు గొంతు కోసి చంపబడ్డారు. కొందరు కత్తిపోట్లకు గురై మరణించారు.
మహిళా జైలులో అల్లర్లపై ఆ దేశ అధ్యక్షుడు జియోమారా కాస్ట్రో స్పందించారు. ఇలాంటి ఘటనలు జరగకుండా అధికారులను జవాబుదారీగా ఉంచడానికి చర్యలు తీసుకుంటానని హామీ ఇచ్చారు.
హోండురాస్ మహిళా జైలులో ప్రస్తుతం 800మంది ఖైదీలు ఉన్నారు. వాస్తవానికి ఆ జైలు సామర్థ్యానికి మించి రెట్టింపు సంఖ్యలో ఖైదీలు ఆ జైలులో ఉన్నారు.