Balochistan Liberation Front: పాక్ సైన్యంపై బలూచ్ మహిళా ఫైటర్ల దాడులు.. 9 మంది సైనికులు మృతి
ఈ వార్తాకథనం ఏంటి
పాకిస్థాన్లోని బలూచిస్థాన్లో వేర్పాటువాద కార్యకలాపాలు నిర్వహిస్తున్న బలూచిస్థాన్ లిబరేషన్ ఫ్రంట్ (బీఎల్ఎఫ్) కీలక ప్రకటన చేసింది. తమ కొత్త మహిళా కాంబాట్ యూనిట్ 'కరీమా ఆర్మ్డ్ అసాల్ట్ డివిజన్' (కేఏఏడీ) చేపట్టిన తొలి ఆపరేషన్లలో తొమ్మిది మంది పాక్ సైనికులు హతమైనట్లు ప్రకటించింది. ఇందుకు సంబంధించిన వీడియోను కూడా విడుదల చేసింది.
వివరాలు
రెండు చోట్ల దాడులు
బీఎల్ఎఫ్ ప్రతినిధి మేజర్ గ్వాహ్రామ్ బలోచ్ తెలిపిన వివరాల ప్రకారం.. ఈ నెల 22న టర్బట్ సమీపంలోని సీపెక్ హైవేపై పాకిస్థాన్ సైనికుల కాన్వాయ్పై మహిళా ఫైటర్లు దాడి చేశారు.
ఈ ఘటనలో ఆరుగురు సైనికులు మరణించినట్లు ఆయన పేర్కొన్నారు.
మరోవైపు కలాత్ జిల్లాలోని క్వెట్టా-కరాచీ హైవేపై జరిగిన మరో దాడిలో ముగ్గురు సైనికులు చనిపోయినట్లు తెలిపారు.
దీంతో రెండు దాడుల్లో కలిపి తొమ్మిది మంది మరణించినట్లు బీఎల్ఎఫ్ వెల్లడించింది. ఈ ఆపరేషన్లను పురుషుల యూనిట్తో కలిసి నిర్వహించినట్లు తెలిపింది.
వివరాలు
భారీ ఆయుధాలతో మహిళా ఫైటర్ల శిక్షణ
బీఎల్ఎఫ్ విడుదల చేసిన వీడియోలో సుమారు 20 మంది మహిళా ఫైటర్లు భారీ ఆయుధాలతో శిక్షణ పొందుతున్న దృశ్యాలు కనిపించాయి.
చెక్పాయింట్లు ఏర్పాటు చేయడం, దాడులు నిర్వహించడం వంటి కార్యకలాపాలను కూడా వీడియోలో చూపించారు.
''ఇక యుద్ధమే మా విధి. బానిసత్వం చాలు. స్త్రీ, పురుష భేదాన్ని తొలగించాం'' అని కేఏఏడీ కమాండర్ పేర్కొన్నట్లు బీఎల్ఎఫ్ తెలిపింది.
వివరాలు
కరీమా బలోచ్ పేరుతో మహిళా యూనిట్
కెనడాలో మరణించిన బలూచ్ కార్యకర్త కరీమా బలోచ్ పేరుతో ఈ మహిళా యూనిట్ను ఏర్పాటు చేశారు.
అయితే పాక్ సైనికుల్లో తొమ్మిది మంది మరణించారన్న బీఎల్ఎఫ్ వాదనలను స్వతంత్ర వర్గాలు ధ్రువీకరించలేదు.
బలూచ్ తిరుగుబాటు గ్రూపుల్లో మహిళల భాగస్వామ్యం పెరుగుతున్న సమయంలో ఈ పరిణామం చోటుచేసుకోవడం ప్రాధాన్యం సంతరించుకుంది.
ట్విట్టర్ పోస్ట్ చేయండి
రంగంలోకి బలూచ్ మహిళా ఫైటర్లు.. పాక్ సైన్యంపై వరుస దాడులు
BLF CLAIMS 9 PAKISTANI PERSONNEL KILLED IN ATTACKS
— Subodh Kumar (@kumarsubodh_) September 29, 2026
The Balochistan Liberation Front (BLF) claims its female Karima Armed Assault Division (KAAD) carried out attacks in Mangocher and Turbat, killing 9 Pakistani military personnel and injuring several others.
The group released… pic.twitter.com/ueGhQ5QBFA