Bangladesh: బంగ్లాదేశ్లో హింసాత్మక నిరసనలు.. 105 మంది మృతి.. 2500 మందికి గాయాలు
బంగ్లాదేశ్లో రిజర్వేషన్లకు వ్యతిరేకంగా నిరసనలు తీవ్రరూపం దాల్చాయి. నిరసనకారులు జైలుపై దాడి చేసి ప్రభుత్వ భవనానికి నిప్పు పెట్టారు. ఇప్పటి వరకు 105 మందికి పైగా మరణించినట్లు సమాచారం. దేశంలోని 64 జిల్లాల్లో దాదాపు సగం జిల్లాల్లో డజన్ల కొద్దీ కాల్పులకు సంబంధించిన సంఘటనలు జరిగాయి. ప్రధాని షేక్ హసీనా కార్యాలయం శుక్రవారం అర్థరాత్రి దేశవ్యాప్తంగా కర్ఫ్యూ విధించింది. అనేక రోజుల నిరసనల తరువాత, శాంతిభద్రతలను నిర్వహించడానికి సైనిక బలగాలను మోహరించారు.
ఎవరికి రిజర్వేషన్ లభిస్తుంది?
స్వాతంత్ర్య సమరయోధులు,వారి వారసులకు ప్రభుత్వ ఉద్యోగాల్లో 30 శాతం కోటాను పునరుద్ధరించే బంగ్లాదేశ్ హైకోర్టు నిర్ణయంపై జూన్ 5న బంగ్లాదేశ్లో నిరసనలు ప్రారంభమయ్యాయి. బంగ్లాదేశ్లోని ఈ కోటా విధానం 2018లో విద్యార్థులు,ఉపాధ్యాయుల నేతృత్వంలోని భారీ ఆందోళన తర్వాత రద్దైంది. 1971లో పాకిస్తాన్ నుండి దేశ స్వాతంత్ర్యం కోసం పోరాడిన యుద్ధ వీరుల బంధువులకు బంగ్లాదేశ్ కొన్ని ప్రభుత్వ రంగ ఉద్యోగాలలో 30 h#lfMl రిజర్వేషన్ను కలిగి ఉంది. ఈ వ్యవస్థ వివక్షతో కూడుకున్నదని,విముక్తి ఉద్యమానికి నాయకత్వం వహించిన అవామీ లీగ్ పార్టీ ప్రధాన మంత్రి షేక్ హసీనా మద్దతుదారులకు అనుకూలంగా ఉందని నిరసనకారులు వాదించారు. అదే సమయంలో, షేక్ హసీనా రిజర్వేషన్ వ్యవస్థను సమర్థించారు.
బంగ్లాదేశ్లో కోటా లేదు
ఉద్యోగాల్లో 30% రిజర్వేషన్లకు వ్యతిరేకంగా విద్యార్థులు ఆందోళనలు చేస్తున్నారు. మూడో తరం స్వాతంత్య్ర సమరయోధులకు ఎందుకు బెనిఫిట్స్ ఇవ్వాలని ప్రశ్నిస్తున్నారు. వారు పూర్తిగా మెరిట్ ఆధారిత నియామకాలను డిమాండ్ చేస్తున్నారు. గత వారం హైకోర్టు ఆదేశాలను సుప్రీంకోర్టు సస్పెండ్ చేయడంతో బంగ్లాదేశ్లో ప్రస్తుతం కోటా లేదు. 2018లో విద్యార్థుల భారీ ఆందోళనతో షేక్ హసీనా ప్రభుత్వం ఉద్యోగాల్లో రిజర్వేషన్లన్నింటినీ రద్దు చేసింది. 2018 నుండి కోటా లేదు. పౌర సేవల్లో స్వాతంత్ర్య సమరయోధులకు 30% రిజర్వేషన్లను తిరిగి పొందాలని పిటిషనర్ల బృందం 2021లో హైకోర్టుకు వెళ్లి పోరాడింది. మూడేళ్లపాటు ఈ అంశంపై విచారణ జరిపిన హైకోర్టు జూలై 1న 30% కోటాను పునరుద్ధరించింది.
సుప్రీంకోర్టును ఆశ్రయించిన అటార్నీ జనరల్
హైకోర్టు తీర్పు వెలువడిన వెంటనే అటార్నీ జనరల్ సుప్రీంకోర్టును ఆశ్రయించారు. జులై 16న పిటిషన్ దాఖలు చేశారు. నివేదిక ప్రకారం, గత వారం సుప్రీంకోర్టు నాలుగు వారాల పాటు హైకోర్టు ఆదేశాలను సస్పెండ్ చేసింది. ఆందోళన చేస్తున్న విద్యార్థులను తరగతులకు తిరిగి రావాలని ప్రధాన న్యాయమూర్తి కోరారు. నాలుగు వారాల్లో కోర్టు నిర్ణయం వెలువరిస్తుందని చెప్పారు.