Bangladesh: బంగ్లాదేశ్ ఎన్నికల్లో హింస.. జమాత్ మద్దతుదారులతో ఘర్షణలో బీఎన్పీ నేత మృతి
ఈ వార్తాకథనం ఏంటి
బంగ్లాదేశ్లో జరుగుతున్న పార్లమెంట్ ఎన్నికల్లో హింస చెలరేగింది. బీఎన్పీ నాయకుడు ఒకరు జమాత్-ఇ-ఇస్లామీ మద్దతుదారులతో జరిగిన ఘర్షణలో మృతి చెందాడు. ఈ రోజు బంగ్లాదేశ్ 13వ పార్లమెంట్ ఎన్నికలు జరుగుతున్నాయి. సుమారు ఏడాదిన్నర క్రితం విద్యార్థులు నడిపిన ఉద్యమంతో అప్పటి ప్రధాని షేక్ హసీనా నేతృత్వంలోని అవామీ లీగ్ ప్రభుత్వం కూలిపోయింది. ఆ నిరసనల అనంతరం ముహమ్మద్ యూనస్ ప్రధాన సలహాదారుగా ఉన్న తాత్కాలిక ప్రభుత్వం బాధ్యతలు చేపట్టింది.
వివరాలు
84 అంశాల సంస్కరణల ప్యాకేజీపై రిఫరెండం
ఈ ఎన్నికలు చారిత్రాత్మకంగా మారాయి. కారణం, అవామీ లీగ్కు ఎన్నికల్లో పోటీకి అనుమతి లేకపోవడం. మరోవైపు, ఓటర్లు దేశవ్యాప్తంగా 84 అంశాల సంస్కరణల ప్యాకేజీపై రిఫరెండం తరహా నిర్ణయం తీసుకునే పరిస్థితి ఏర్పడింది. అధికార పార్టీ లేని ఈ పోటీలో ప్రధానంగా బంగ్లాదేశ్ నేషనలిస్ట్ పార్టీ (బీఎన్పీ),దాని మాజీ మిత్ర పార్టీ జమాత్-ఇ-ఇస్లామీ మధ్యే ప్రధాన పోటీ నెలకొంది.