53ఏళ్ల వ్యక్తిలో బర్డ్ ఫ్లూ వైరస్; చిలీలో మొదటి కేసు గుర్తింపు
ఈ వార్తాకథనం ఏంటి
బర్డ్ ఫ్లూ వైరస్ మనుషులకు సోకదనే అపోహ ఇన్నాళ్లూ ఉండేది. అయితే అది తప్పని తేలింది. తాజాగా చిలీ దేశంలో ఓ మనిషిలో బర్డ్ ఫ్లూ వైరస్‌ను గుర్తించారు.
ఈ వైరస్ పక్షులు లేదా సముద్ర క్షీరదాల నుంచి మానవులకు సంక్రమిస్తుందని అధికారులు పేర్కొన్నారు. అయితే మానవుని నుంచి మానవునికి సంక్రమించేది విషయంపై ఇంకా క్లారిటీ లేదు.
తీవ్రమైన ఇన్‌ఫ్లూయెంజా లక్షణాలతో బాధపడుతున్న 53 ఏళ్ల వ్యక్తిలో బర్డ్ ఫ్లూ వైరస్‌ను గుర్తించినట్లు చిలీ ఆరోగ్య మంత్రిత్వ శాఖ పేర్కొంది. అయితే రోగి ఆరోగ్యం మాత్రం స్థిమితంగానే ఉందని వెల్లడించింది.
చిలీ
పౌల్ట్రీ ఎగుమతులను నిలిపివేసిన చిలీ
బర్డ్ ఫ్లూ వైరస్ సోకిన వ్యక్తితో సన్నిహితంగా ఉండే వ్యక్తులను గుర్తించే పనిలో ఆ దేశ అధికారులు నిమగ్నమయ్యారు. వారికి సైతం పరీక్షలు నిర్వహించి, వారిలో ఈ వైరస్ ఉందా? లేదా? అనేది తేల్చనున్నారు.
చిలీ అడవి జంతువుల్లో గత సంవత్సరం చివర్లో హెచ్5ఎన్1 బర్డ్ ఫ్లూ కేసులను గుర్తించారు.
బర్డ్ ఫ్లూ కేసులు బయటకు రావడంతో చిలీ ప్రభుత్వం పౌల్ట్రీ ఎగుమతులను నిలిపివేసింది.
అర్జెంటీనాలో కూడా బాయిలర్ కోళ్లలో బర్డ్ ఫ్లూ కేసులు వెలుగులోకి వచ్చాయి.
అయితే ప్రపంచంలోనే అతిపెద్ద పౌల్ట్రీ ఎగుమతిదారు బ్రెజిల్‌లో బర్డ్ ఫ్లూ జాడలు లేకపోవడం గమనార్హం.
ఈ సంవత్సరం ప్రారంభంలో ఈక్వెడార్ 9ఏళ్ల బాలికలో, గతంలో చైనాలోని ఓ వ్యక్తిలో బర్డ్ ఫ్లూను గుర్తించారు.