సైబర్ అటాక్ లో 215 పైగా బిట్ కాయిన్లను కోల్పోయిన ల్యూక్ డాష్జర్
క్రిప్టోకరెన్సీ ప్రధాన డెవలపర్‌లలో ఒకరైన బిట్‌కాయిన్ ల్యూక్ డాష్జర్ కు ఈ కొత్త సంవత్సరం అంతగా కలిసిరాలేదు. అతని క్రిప్టో వాలెట్ హ్యాక్ దాడికి గురైంది, అతని వ్యక్తిగత హోల్డింగ్స్ నుండి 216.93 బీట్ కాయిన్ల నష్టానికి దారితీసింది. ఒక్కో బీట్ కాయిన్ ధర $16,570 (దాదాపు రూ. 13.7 లక్షలు)గా ఉంది. అంటే, $3.6 మిలియన్లు (దాదాపు రూ. 30 కోట్లు) నష్టపోయారు. హ్యాకర్లు డాష్జర్ ప్రెట్టీ గుడ్ ప్రైవసీ (PGP) కీని ఉపయోగించుకున్నారు. ఇది ఫండ్ డ్రెయిన్‌ను అమలు చేయడానికి హ్యాకర్(లు)కు రెండు ప్రైవేట్ కీలకు అనుమతినిస్తుంది. ఈ విషయంపై డాష్జర్ ట్వీట్ చేసి, హ్యాకింగ్ వివరాలను పంచుకున్నాడు. ప్రస్తుతానికి, హ్యాక్ ఎలా జరిగిందనే దానిపై ఖచ్చితమైన వివరాలు తెలీదు.
డాష్జర్ తన బిట్ కాయిన్ ని సెల్ఫ్-కస్టడీ వాలెట్‌లో ఉంచారు
Binance క్రిప్టో ఎక్స్ఛేంజ్ CEO అయిన చాంగ్ పెంగ్ జావో, డాష్జర్ తన బిట్ కాయిన్ ని సెల్ఫ్-కస్టడీ వాలెట్‌లో ఉంచుకున్నట్లు సూచన చేస్తూ ఈ సంఘటనపై 'విచారాన్ని' వ్యక్తం చేశారు. "సెల్ఫ్ కస్టడీకి భిన్నమైన రిస్క్‌లు ఉన్నాయి" అని జావో ట్వీట్ చేశారు. సెల్ఫ్-కస్టడీ వాలెట్‌లతో, వినియోగదారులు తమ ప్రైవేట్ కీలను వారి స్వంత సిస్టమ్‌లలో సేవ్ చేయడానికి ఏదైనా క్రిప్టో ఎక్స్ఛేంజ్ లేదా వాలెట్ ప్రొవైడర్‌పై ఆధారపడరు. క్రిప్టో ఎక్స్ఛేంజీలపై బ్యాక్-టు-బ్యాక్ హ్యాక్ దాడుల కారణంగా, $9.2 బిలియన్లు (సుమారు రూ. 76,760 కోట్లు) అంటే సుమారు 550,000 బిట్‌కాయిన్లను 2022లో క్రిప్టో ఎక్స్ఛేంజీల స్టోరేజిల నుండి సెల్ఫ్-కస్టడీ వాలెట్‌లకు తరలించారు
