CDC: అమెరికాలో 6నెలల కంటే ఎక్కువ వయస్సున్న వారికి కరోనా బూస్టర్ డోస్
ఈ వార్తాకథనం ఏంటి
అమెరికాలో కరోనా కొత్త వేరియంట్లు పుట్టకొస్తుండటం, అలాగే కరోనా బాధితులు కూడా పెరుగుతున్న నేపథ్యంలో ఆ దేశ ఆరోగ్య సంస్థ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) ప్రభుత్వానికి కీలక సిఫార్సులు చేసింది.
అమెరికా ప్రజలందరికీ కోవిడ్ బూస్టర్ డోస్‌ను అందించాలని నిర్ణయించింది.
6నెలలు, అంతకంటే ఎక్కువ వయస్సు ఉన్న ప్రతి ఒక్కరికీ బూస్టర్ డోస్‌లు అందించాలని పేర్కొంది.
ఈ బూస్టర్ డోస్ అనేది ఉద్భవిస్తున్న కొత్త వేరియంట్ల నుంచి రక్షించుకోవడానికి సాయపడుతుంది.
ఫైజర్, బయోటెక్, మోడర్నో బూస్టర్ డోస్ టీకాలు కొద్ది రోజుల్లోనే యునైటెడ్ స్టేట్స్‌లో అందుబాటులోకి రానున్నాయి.
కరోనా
అమెరికాలో పెరుగుతున్న కరోనా కేసులు
వాస్తవానికి ప్రపంచవ్యాప్తంగా కరోనా తీవ్రత తగ్గినప్పటికీ, అమెరికాలో ఇంకా కేసులు వెలుగుచూస్తునే ఉన్నాయి.
ఇప్పటికీ అమెరికాలో కరోనా కారణంగా ప్రతివారం వేలాది మంది ఆస్పత్రుల పాలవుతున్నారు.
వందల సంఖ్యలో మరణాలు సంభవిస్తున్నాయి. వేసవి కాలంలో ఆమెరికాలో ఆస్పత్రుల్లో చేరిన వారి సంఖ్య మరింత పెరగడం గమనార్హం.
ఈ క్రమంలో ప్రజలను రక్షించుకోవాడానికి బూస్టర్ డోస్‌లను తప్పని సరిగా వేసుకోవాలని చెబుతున్నారు.
ప్రస్తుతం 42శాతం మంది తాము కచ్చితంగా బూస్టర్ వేసుకుంటామని చెప్పినట్లు సీడీసీ చేసిన సర్వేలో తేలింది.
ఇదిలా ఉంటే, అమెరికాలో ఇప్పటి వరకు 20శాతం మంది మాత్రమే ఏడాది క్రితం అందించిన బూస్టర్ డోస్‌ను పొందారు.