ఈ చైనా సింగర్ చాలా క్రేజీ.. న్యూఇయర్ కోసం కరోనా అంటించుకుందట..
ఈ వార్తాకథనం ఏంటి
కరోనా కేసులతో చైనా అల్లాడిపోతంది. వైరస్ బారిన పడకుండా ఉండేందుకు అక్కడి ప్రజలు చాలా జాగ్రత్తలు తీసుకుంటున్నారు. అయితే ఓ చైనీస్ సింగర్ మాత్రం కరోనా పట్ల వింతగా ప్రవర్తించింది. అందరూ కరోనాకు దూరంగా ఉంటుంటే.. చైనాకు చెందిన ప్రముఖ గాయని, పాటల రచయిత జేన్ జాంగ్ మాత్రం కరోనాను కావాలనే అంటించుకుంది.
అయితే ఈ విషయాన్ని స్వయంగా జేన్ జాంగ్ వెల్లడించడం గమనార్హం. దీంతో ఇదేం విడ్డూరమని అందరూ ముక్కున వెలేసుకుంటున్నారు. ఒకవైపు ప్రజలు BF.7 ఒమిక్రాన్ వేరియంట్‌తో అల్లాడిపోతుంటే.. ఇలా చేయడం ఏంటని ఆమెను ఎత్తిపొడుస్తున్నారు.
జేన్ జాంగ్
కారణం ఏం చెప్పిందంటే..?
కరోనాను తాను ఎందుకు అంటించుకున్నానో సోషల్ మీడియా వేదికగా కారణం కూడా చెప్పింది జేన్ జాంగ్. నూతన సంవత్సర వేడుకల కచేరీకి సన్నద్దమ్యే ప్రక్రియలో భాగంగానే వైరస్ అంటుకునేలా చేసుకున్నానని, వేడుకలకు ముందు వైరస్ సోకి.. కోలుకోవడం వల్ల న్యూఇయర్ ఈవెంట్‌లో మళ్లీ కరోనా వచ్చే ప్రమాదం ఉండదని తాను భావించినట్లు చెప్పింది.
నూతన సంవత్సర వేడుకల సమయంలో తన ఆరోగ్యం దెబ్బతింటే.. ప్రదర్శన చేయడం కష్టమవుతుందని అనుకున్నట్లు జేన్ జాంగ్ వివరించింది. అందుకే కరోనా వచ్చిన వారిని కలిసినట్లు పేర్కొంది. తద్వారా తనకు కరోనా సోకినట్లు చెప్పింది.