Donald Trump: గల్ఫ్ ఆఫ్ మెక్సికో పేరును గల్ఫ్ ఆఫ్ అమెరికాగా మారుస్తూ ట్రంప్ ఆదేశాలు
ఈ వార్తాకథనం ఏంటి
అమెరికా అధ్యక్షుడు డొనాల్డ్ ట్రంప్ (Donald Trump) ఎప్పటిలాగే తన తొలిరోజే సంచలన నిర్ణయం తీసుకున్నారు.
గల్ఫ్ ఆఫ్ మెక్సికో పేరును గల్ఫ్ ఆఫ్ అమెరికాగా మార్చుతూ ఎగ్జిక్యూటివ్ ఆర్డర్‌ను జారీ చేశారు.
ఈ సందర్భంగా ట్రంప్ మాట్లాడుతూ, "ప్రపంచంలోనే అత్యుత్తమ, శక్తిమంతమైన దేశంగా అమెరికా స్థానం మరింత బలపడింది" అని వ్యాఖ్యానించారు.
ఆయన జనవరిలో మార్ ఎ లాగో ఎస్టేట్‌లో జరిగిన కార్యక్రమంలో తొలిసారి ఈ ప్రతిపాదనను వెల్లడించారు.
అలాగే, ప్రస్తుతం ఈ ప్రాంతాలను మాదకద్రవ్య ముఠాలు నియంత్రిస్తున్నాయని, అందుకే అమెరికా సరిహద్దులను మరింత బలోపేతం చేయనున్నట్లు స్పష్టం చేశారు.
వివరాలు
గల్ఫ్ ఆఫ్ మెక్సికో చరిత్ర
ఉత్తర అమెరికాలో సుమారు ఆరు లక్షల చదరపు మైళ్ల విస్తీర్ణం గల సముద్ర ప్రాంతాన్ని గల్ఫ్ ఆఫ్ మెక్సికోగా పిలుస్తారు.
ప్రపంచంలో 9వ అతిపెద్ద జలవనరుగా ఇది ప్రసిద్ధి చెందింది. 16వ శతాబ్ధంలో స్పెయిన్‌కు చెందిన అన్వేషకులు ఈ పేరును వినియోగించటం ప్రారంభించారు.
ట్రంప్ ప్రతిపాదనలపై మెక్సికో మొదటినుంచీ తీవ్ర వ్యతిరేకత వ్యక్తం చేస్తోంది.
ఇటీవల మెక్సికో అధికార ప్రతినిధి క్లాడియా షీన్‌బామ్ 1607లో తయారైన పాత మ్యాపులను ప్రదర్శిస్తూ, గల్ఫ్ ఆఫ్ మెక్సికో పేరు చారిత్రకంగా ఎంతో ముఖ్యమైందని పేర్కొన్నారు.
"మౌత్ ఆఫ్ రియో గ్రాండ్" ప్రాంతం నుంచి అమెరికా-మెక్సికో సరిహద్దులు ప్రారంభమవుతాయి.
వివరాలు
ఆర్థిక దృక్పథంలో కీలకం
ఈ ప్రదేశం అమెరికా ఆర్థిక వ్యవస్థకు కీలకమైనదిగా భావించబడుతుంది.
అమెరికాలో వినియోగించే సగానికి పైగా శుద్ధి చేసిన గ్యాస్ ఇక్కడ తయారవుతుంది.
అంతేకాదు, దేశంలో వినియోగించే 40 శాతం మత్స్య సంపద ఇక్కడే లభిస్తుంది.
గ్రీన్‌ల్యాండ్ కొనుగోలుపై ట్రంప్ వ్యాఖ్యలు
గ్రీన్‌ల్యాండ్‌ను కొనుగోలు చేయడంపై ట్రంప్ మరో ఆసక్తికర వ్యాఖ్య చేశారు. ''గ్రీన్‌ల్యాండ్ ఓ అద్భుత ప్రదేశం.
అంతర్జాతీయ భద్రత దృష్ట్యా ఇది అమెరికా అధీనంలో ఉండటం ఎంతో ముఖ్యమని నేను నమ్ముతున్నాను.
ఈ విషయంలో డెన్మార్క్ మా వైపున నిలుస్తుంది'' అని ఆయన తెలిపారు. ఇప్పటికే ట్రంప్ బృందం గ్రీన్‌ల్యాండ్‌కు వెళ్లి చర్చలు జరిపినట్లు కూడా తెలుస్తోంది.
వివరాలు
సమగ్ర అభివృద్ధి లక్ష్యంగా ట్రంప్ ముందడుగు
ట్రంప్ నిర్ణయాలు పలు దేశాల్లో చర్చనీయాంశంగా మారాయి.
గల్ఫ్ ఆఫ్ మెక్సికో పేరుమార్పు, గ్రీన్‌ల్యాండ్ కొనుగోలు వంటి అంశాలు ప్రపంచ రాజకీయాలలో పెద్ద పరిణామాలకు దారి తీసే అవకాశం ఉందని విశ్లేషకులు అభిప్రాయపడుతున్నారు.