Liverpool Team: లివర్పూల్ ఫుట్‌బాల్‌ ప్రీమియర్ లీగ్‌ విక్టరీ పరేడ్‌లోకి దూసుకెళ్లిన కారు.. పలువురికి గాయాలు
ఈ వార్తాకథనం ఏంటి
ఒకవైపు ఆనందోత్సవాలు.. మరోవైపు హాహాకారాలు. ఏం జరుగుతుందో అర్థంకాని పరిస్థితుల్లో అక్కడి ప్రజలంతా షాక్‌కు గురయ్యారు.
ఈ సంఘటన ఇంగ్లాండ్‌లోని లివర్పూల్ నగరంలో చోటుచేసుకుంది.ప్రీమియర్ లీగ్‌ ఫుట్‌బాల్‌ టోర్నమెంట్‌లో 20వ టైటిల్‌ను లివర్పూల్ ఫుట్‌బాల్‌ క్లబ్‌ చేజిక్కించుకుంది.
దీంతో మాంచెస్టర్ యునైటెడ్ జట్టుతో సమాన స్థాయిలో నిలిచింది. ఈ విజయాన్ని పురస్కరించుకొని లివర్పూల్ నగరంలో భారీగా సెలబ్రేషన్లు జరిగాయి.
ఈ నేపథ్యంలో, అభిమానులకు కృతజ్ఞతలు తెలియజేసే ఉద్దేశంతో లివర్పూల్ జట్టు ఒక ఘనమైన పరేడ్‌ నిర్వహించింది.
వివరాలు
వాహనదారుడి అరెస్ట్
ఈ పరేడ్‌ జరిగిన సమయంలో, సిటీ సెంటర్‌లో పెద్ద ఎత్తున ప్రజలు గుమ్మిగూడారు.
ఇదే సమయంలో, ఓ దుండగుడు కారుతో దూసుకొచ్చాడు. అతను నియంత్రణ లేకుండా కారును నడిపి, పలువురు వ్యక్తులను ఢీకొన్నాడు.
ఈ ఘటనలో అనేక మంది గాయపడ్డారు. దీనిపై స్పందించిన స్థానిక పోలీసులు, ఆ వాహనదారుడిని అరెస్ట్ చేసినట్టు ప్రకటించారు.
ఈ షాకింగ్ సంఘటనకు సంబంధించిన వీడియో సోషల్ మీడియాలో వేగంగా వైరల్ అయింది.
ట్విట్టర్ పోస్ట్ చేయండి
ఘటనకు సంబంధించిన వీడియో
Car drives into Liverpool fan crowd. pic.twitter.com/Q4422ueYIo
— RedandWhite Ireland (@RIreland29776) May 26, 2025