Elon Musk : హమాస్ ఉగ్రవాదులపై మస్క్ సంచలన వ్యాఖ్యలు..వారిని చంపడం సబబే
ఈ వార్తాకథనం ఏంటి
అమెరికా బిలియనీర్ ఎలాన్ మస్క్ హమాస్ ఉగ్రవాదులపై సంచలన వ్యాఖ్యలు చేశారు.
ఇజ్రాయెల్ అధ్యక్షుడు ఐజాక్ హెర్జోగ్‌లో ఎలాన్ మస్క్ భేటీ అయ్యారు.ఈ సందర్భంగా ఉగ్రవాదానికి వ్యతిరేకంగా పెదవి విరిచారు.
ఇజ్రాయిల్, గాజాలో కలిపి 16వేల మందికిపైగా మరణాలకు కారణమైన ఇజ్రాయిల్-హమాస్ యుద్ధం పరిణామాలపై చర్చలు సాగించారు.
భేటీలో హమాస్ ఉగ్రవాదులను ఏరివేయడం తప్ప ఇంకో మార్గం లేదని ఎలాన్ మస్క్ కుండబద్దలు కొట్టారు.
ఈ క్రమంలోనే కొత్త తరం ప్రజలు ఉగ్రవాదం వైపు మళ్లకుండా విద్యా వ్యవస్థలో మార్పులు తీసుకురావాలని కోరారు.
తాను ప్రధాని బెంజిమిన్ నెతన్యాహూతో మాట్లాడానని, గాజాలో మూడు విషయాలు జరగాలన్నారు. పౌరులను హత్య చేయాలుకునే వారిని పట్టుబట్టి చంపడం తప్ప వేరే మార్గం లేదని నిర్థారణకు వచ్చారు.
details
కొత్త వారు అలా కాకుండా చర్యలు చేపట్టాలని మస్క్ సూచన
కొత్త తరం ప్రజలు హంతకులుగా మారకుండా ప్రజల మధ్య శ్రేయస్సును నిర్మించడం ముఖ్యమని రెండో విషయంగా పేర్కొన్నారు.
అక్టోబర్ 7న హమాస్ ఉగ్రవాదులు దాడి చేసిన గాజా సరిహద్దుల్లోని ఇజ్రాయిల్ కిబ్బట్జ్ క్ఫర్ అజా పర్యటనపైనా మాట్లాడారు.
తమ దగ్గరి, ప్రియమైన వారిని కోల్పోయిన కుటుంబాలకు మానసికంగా కష్టతరమైన రోజు అన్నారు. ఇజ్రాయెల్ అధ్యక్షుడితో భేటీ సందర్భంగా హమాస్ చేతిలో ఉన్న బందీల కుటుంబాలతో మస్క్ సమావేశమయ్యారు.
బందీల్లో భాగంగా ఓ బాధిత తండ్రి, మస్క్'కు సింబాలిక్ డాగ్ ట్యాగ్‌ను బహుమతిగా ఇచ్చారు. దీనిపై ' మా హృదయాలు గాజాలో బందీలుగా ఉన్నాయి' అని రాసి ఉంది. గాజాలోని బందీలు విడుదలయ్యే వరకు ఈ ట్యాగ్ ప్రతీ రోజు ధరిస్తానని మస్క్ బదులిచ్చారు.