నాలుగోరోజూ అట్టుడుకుతున్న ఫ్రాన్స్; 45,000మంది సైనికులు మోహరింపు
ఈ వార్తాకథనం ఏంటి
నాలుగో రోజు కూడా ఫ్రాన్స్ అట్టుడుకుతోంది. ఇప్పుడు ఫ్రెంచ్ కరేబియన్ భూభాగాలకు కూడా ఈ ఆందోళనలు వ్యాపించాయి.
దోపిడీలు, అల్లర్లు, ప్రభుత్వ ఆస్తుల ధ్వంసంతో దేశం మొత్తం ఉద్రిక్త పరిస్థితులు నెలకొన్నట్లు 'ఫ్రాన్స్ 24' మీడియా సంస్థ తెలిపింది.
'ఫ్రాన్స్ 24' అనేది పారిస్‌లో ఉన్న ఫ్రెంచ్ ప్రభుత్వ యాజమాన్యంలోని అంతర్జాతీయ న్యూస్ టెలివిజన్ నెట్‌వర్క్.
జూన్ 27న ట్రాఫిక్ నిబంధనలను ఉల్లంఘించాడని 17 ఏళ్ల నహేల్‌ను పారిస్ శివారు పట్టణమైన నాంటెర్‌లో పోలీసులు కాల్చి చంపడం తర్వాత ఫ్రాన్స్ ఆందోళనలు మొదలయ్యాయి.
మరో రాత్రి అల్లర్లు జరిగే అవకాశం ఉన్నందున అధికారులు అప్రమత్తంగా ఉన్నారు. ఇప్పటికే 45,000 మంది సైనికులను మోహరించారు. మరో 5వేల మందిని మోహరించేందుకు సిద్ధమవుతున్నారు.
ఫ్రాన్స్
ఇప్పటి వరకు 1,100మందికి పైగా అరెస్టు
ఫ్రెంచ్ అంతర్గత మంత్రి గెరాల్డ్ డార్మానిన్ మాట్లాడుతూ, శుక్రవారం రాత్రి మరో 270 మందిని అరెస్టు చేశామని, వారిలో 80 మందిని మార్సెయిల్‌లోనే పట్టుబడినట్లు చెప్పారు.
ఈ అల్లర్లు ప్రారంభమైనప్పటి నుంచి ఇప్పటి వరకు మొత్త 11,00 మందికి అరెస్టు చేసినట్లు వెల్లడించారు.
నాంటెర్రేలో నిరసనకారులు ఒక బ్యాంకుకు నిప్పంటించారు. మార్సెయిల్‌లో పోలీసు అధికారులపై నిరసనకారులు బాణాసంచా విసిరారు.
స్ట్రాస్‌బర్గ్‌లోని ఆపిల్ స్టోర్‌ను నిరసనకారులు దోపిడీకి పాల్పడ్డారు. యాపిల్ స్టోర్ నుంచి యువ అల్లరిమూకలను తరిమికొట్టేందుకు పోలీసులు బాష్పవాయువును ప్రయోగించారు.
ఫ్రాన్స్
ఫ్రాన్ విదేశీ భూభాగాలకు వ్యాపించిన అల్లర్లు
అల్లరిమూకలు శుక్రవారం సాయంత్రం తుపాకీ దుకాణాన్ని ధ్వంసం చేసి, ఆయుధాలతో దాడి చేశారు.
ఈ క్రమంలో రైఫిల్‌తో వెళ్తున్న వ్యక్తిని పోలీసులు అదుపులోకి తీసుకున్నారు. ఫ్రెంచ్ ప్రధాన భూభాగంలోనే మాత్రమే కాకుండా ఫ్రాన్ విదేశీ భూభాగాలకు కూడా అల్లర్లు వ్యాపించాయి.
ఫ్రెంచ్ గయానా ద్వీపం రాజధాని కయెన్‌లో నిరసనకారులు, పోలీసు బలగాల మధ్య జరిగిన ఘర్షణల సమయంలో ఒక 54 ఏళ్ల వ్యక్తి బుల్లెట్‌కు తగిలి మరణించారు.
నిరసనకారులు చిన్న హిందూ మహాసముద్ర ద్వీపమైన రీయూనియన్‌లో చెత్త డబ్బాలను తగులబెట్టారు. కార్లు, భవనాలను ధ్వంసం చేశారు.
ఫ్రాన్స్
అత్యవసర పరిస్థితిని ప్రకటించే ఆలోచనలో అధ్యక్షుడు మాక్రాన్
పరిస్థితులను అదుపులోకి తెచ్చేందుకు అత్యవసర పరిస్థితిని ప్రకటించడం సహా అన్ని అంశాలను పరిశీలిస్తున్నట్లు ఫ్రాన్స్ అధ్యక్షుడు ఇమ్మాన్యుయేల్ మాక్రాన్ కార్యాలయం ప్రకటించింది.
2005లో అప్పటి అధ్యక్షుడు జాక్వెస్ చిరాక్ ఎమర్జెన్సీ విధించినప్పుడు జరిగిన అల్లర్ల తరహాలోనే ప్రస్తుత పరిస్థితి నెలకొంది.
మెటా, ట్విట్టర్, స్నాప్‌చాట్, టిక్‌టాక్ ప్రతినిధులను కూడా కలిసిన ఇమ్మాన్యుయేల్ మాక్రాన్, వాటిపై ఆంక్షలు విధిస్తున్నట్లు ప్రకటించారు.
అయితే అల్లర్లలో ఎక్కువశాతం యువకులే పాల్గొంటున్న నేపథ్యంలో ఫ్రెంచ్ ప్రభుత్వం కలవర పడుతోంది.
అయితే టీనేజర్లను తల్లిదండ్రులు బయటికి పంపొద్దని ఇమ్మాన్యుయేల్ మాక్రాన్ ప్రభుత్వం ఆదేశాలు జారీ చేసింది.
ట్విట్టర్ పోస్ట్ చేయండి
ఫ్రాన్స్‌‌లో అల్లర్ల దృశ్యాలు
#France#FranceRiots #FranceViolence
— 🇮🇳 Alok (@alokdubey1408) June 29, 2023
Just in:
Latest Violence in France.
😔 pic.twitter.com/VVIcz8qh4c