కెనడా:నిరసనలకు ఖలిస్థానీ గ్రూప్ పిలుపు..కెనడాలోని భారత దౌత్య కార్యాలయాల వద్ద హై సెక్యూరిటీ
ఈ వార్తాకథనం ఏంటి
కెనడాలోని ఒట్టావా, టొరంటో, వాంకోవర్‌లలో సిఖ్స్ ఫర్ జస్టిస్ ఆధ్వర్యంలో కెనడాలోని ప్రధాన నగరాల్లో భారత దౌత్య కార్యాలయాల వెలుపల నిరసనలకు తీవ్రవాద సంస్థ పిలుపునిచ్చింది.
ఈ నేపథ్యంలోనే పరిస్థితిని పర్యవేక్షించడానికి స్థానిక పోలీసులు, ఫెడరల్ పోలీసు సిబ్బందిని కూడా మోహరించారు.
బ్రిటీష్ కొలంబియాలో ఖలిస్తానీ ఉగ్రవాది హర్దీప్ సింగ్ నిజ్జార్ హత్యకు న్యూ ఢిల్లీకి "సంభావ్య సంబంధం" ఉందని ప్రధాన మంత్రి జస్టిన్ ట్రూడో ఆరోపించిన వారం తర్వాత ఖలిస్తానీ గ్రూప్ తమ సభ్యులను నిరసనకు పిలుపునిచ్చింది.
జూన్ 18న సర్రేలో జరిగిన ఖలిస్తానీ ఉగ్రవాది హర్దీప్ సింగ్ నిజ్జర్ హత్యలో భారత ప్రభుత్వ ఏజెంట్ల ప్రమేయం ఉందని కెనడా గత వారం "విశ్వసనీయమైన ఆరోపణలను" కొనసాగిస్తోందని ట్రూడో చెప్పారు.
Details
నిజ్జర్ హత్యపై ప్రజల్లో అవగాహన పెంచేందుకే నిరసనలకు పిలుపు
తదనంతరం,భారత్, కెనడాల మధ్య దౌత్యపరంగా తీవ్ర ఉద్రిక్త పరిస్థితులు నెలకొన్నాయి.
కెనడా ఆరోపణలను భారత ప్రభుత్వం ఖండించింది. ఆరోపణలు అసత్యాలని కొట్టిపారేసింది.
ట్రూడో ఆరోపణల చేసిన కొన్ని గంటల తర్వాత, కెనడియన్ దౌత్యవేత్త ఒలివర్ సిల్వెస్టర్‌ను భారత్ బహిష్కరించింది.
కెనడియన్లకు కొత్త వీసాల జారీని నిలిపివేసింది.అదే సమయంలో కెనడాలో ఉన్న భారతీయులు అప్రమత్తంగా ఉండాలని హెచ్చరికలు జారీ చేసింది.
కెనడాలోని సిక్కు ఫర్ జస్టిస్ డైరెక్టర్ జతీందర్ సింగ్ గ్రేవాల్ ఆదివారం రాయిటర్స్‌తో మాట్లాడుతూ, నిజ్జర్ హత్యపై ప్రజల్లో అవగాహన పెంచేందుకు తమ సంస్థ టొరంటో, ఒట్టావా, వాంకోవర్‌లోని భారత రాయబార కార్యాలయాలు, కాన్సులేట్ల వెలుపల ప్రదర్శనలు చేస్తుందని చెప్పారు.
భారత రాయబారిని బహిష్కరించాలని కెనడాను కోరుతున్నామని గ్రేవాల్ తెలిపారు.