కెనడాలో మళ్లీ కలకలం.. మరో ఖలిస్థాన్ ఉగ్రవాది సుఖ్దూల్ సింగ్ హత్య
కెనడాలో మరో ఖలీస్థానీ ఉగ్రవాది హతమయ్యాడు. ఈ మేరకు ఉత్తర అమెరికాలోని కెనడా ఉలిక్కిపడింది. ఇప్పటికే ఖలిస్థానీ ఉగ్రవాది హర్దీప్ సింగ్ నిజ్జర్ హత్యతో భారత్- కెనడా సంబంధాలు దెబ్బతిన్నాయి. ఈ క్రమంలోనే ఆ దేశంలో మరో ఖలిస్థానీ అనుకూల ఉగ్రవాది హత్య ప్రకంపణలు రేపుతోంది. కెనడాలోని విన్నిపెగ్ పట్టణంలో సుఖ్ధూల్ హత్యకు గురయ్యాడు. ఖలిస్థానీ ఉగ్రవాది అర్షదీప్ సింగ్ అలియాస్ అర్ష దాలాకు సుఖ్దూల్ సింగ్ అనుచరుడిగా గుర్తింపు పొందాడు. గ్యాంగ్ స్టర్ సుఖ్దూల్ సింగ్ పంజాబ్ నుంచి కెనడాకు పరారయ్యాడు. అతడిపై 7 క్రిమినల్ కేసులున్నాయి. 2017లో ఫోర్జరీతో పాస్ పోర్టు సంపాదించి విదేశాలకు పారిపోయాడు. మరోవైపు పంజాబ్ లోని సుఖ్దూల్ ఇంటి వద్దకు పోలీసులు చేరుకున్నారు.
