అమెరికాలో తెలుగు యువతి మృతిని అపహాస్యం చేస్తూ మట్లాడిన పోలీస్ ఆఫీసర్
అమెరికాలో ఈ ఏడాది జనవరిలో పోలీసు పెట్రోలింగ్ వాహనం ఢీ కొని తెలుగు యువతి మరణించింది. అయితే ఆమె మరణం గురించి ఓ పోలీసు అధికారి నవ్వుతూ, అపహాస్యంగా మాట్లాడటం అతని బాడీ కెమెరాలో రికార్డ్ అయ్యాయి. బాడీకామ్ రికార్డు ఆధారంగా ఆ పోలీసు అధికారిపై సీటెల్ పోలీసు యూనియన్ దర్యాప్తు ప్రారంభించినట్లు న్యూయార్క్ పోస్ట్ నివేదించింది. కర్నూలుకు చెందిన కందుల జాహ్నవి మాస్టర్స్ కోసం 2021 సెప్టెంబరులో అమెరికాకు వెళ్లింది. నార్త్ఈస్టర్న్ యూనవర్సీకి చెందిన సీటెల్ క్యాంపస్ ఆమె చదివింది. ఈ ఏడాది జనవరిలో కళాశాలకు వెళ్లి వస్తున్న క్రమంలో రహదారి దాటుతున్న సమయంలో పెట్రోలింగ్ వాహనం ఢీకొన్నది. దీంతో జాహ్నవి అక్కడికక్కడే చనిపోయింది.
