Lebanon: లెబనాన్పై ఇజ్రాయెల్ దాడులు.. 250 మంది మృతి
ఈ వార్తాకథనం ఏంటి
మధ్యప్రాచ్యంలో పరిస్థితులు మళ్లీ ఉద్రిక్తంగా మారాయి. పాకిస్థాన్ మధ్యవర్తిత్వంతో అమెరికా-ఇరాన్ మధ్య రెండు వారాల కాల్పుల విరమణ ఒప్పందం కుదిరిన కొన్ని గంటల్లోనే కొత్త ఉద్రిక్తతలు చెలరేగాయి. ఇజ్రాయెల్ లెబనాన్పై భారీ వైమానిక దాడులకు దిగడంతో పరిస్థితి ఒక్కసారిగా మారిపోయింది. ఈ దాడుల్లో 250 మందికి పైగా ప్రాణాలు కోల్పోగా, 1100 మందికిపైగా గాయపడ్డారు. దీంతో తాజాగా కుదిరిన కాల్పుల విరమణ ఒప్పందంపై అనిశ్చితి నెలకొంది.
వివరాలు
ఒప్పందం వెంటనే దాడులు
అమెరికా అధ్యక్షుడు డొనాల్డ్ ట్రంప్, ఇరాన్ విదేశాంగ మంత్రి Abbas Araghchi కాల్పుల విరమణ ఒప్పందాన్ని ప్రకటించారు. హర్మూజ్ జలసంధి మార్గంగా నౌకల రాకపోకలకు అనుమతించేందుకు ఇరాన్ అంగీకరించింది. అయితే, ఈ ప్రకటన వెలువడిన కొద్దిసేపటికే ఇజ్రాయెల్ లెబనాన్లోని బీరుట్, బెకా లోయ ప్రాంతాల్లో హిజ్బుల్లా స్థావరాలను లక్ష్యంగా చేసుకుని దాడులు చేసింది. అమెరికాతో కుదిరిన ఒప్పందం తమకు, హిజ్బుల్లాకు మధ్య ఉన్న యుద్ధానికి వర్తించదని ఇజ్రాయెల్ ప్రధాని బెంజమిన్ నెతన్యాహు స్పష్టం చేశారు. ఇదే విషయాన్ని ట్రంప్ కూడా "లెబనాన్లో జరుగుతున్నది ప్రత్యేక ఘర్షణ"గా వ్యాఖ్యానించారు.
వివరాలు
యూఎన్ ఆందోళన
ఈ దాడులను ఐక్యరాజ్య సమితి తీవ్రంగా ఖండించింది. ఒప్పందం కుదిరిన కొన్ని గంటల్లోనే ఇంత పెద్ద స్థాయిలో హింస చెలరేగడం ఆందోళన కలిగించిందని యూఎన్ మానవ హక్కుల విభాగం తెలిపింది. ఇదిలా ఉండగా, ఇజ్రాయెల్ దాడులకు ప్రతీకారంగా ఉత్తర ఇజ్రాయెల్పై రాకెట్లతో దాడి చేసినట్లు హిజ్బుల్లా ప్రకటించింది. ఇజ్రాయెల్-అమెరికా చర్యలు ఆగే వరకు తమ ప్రతిదాడులు కొనసాగుతాయని హెచ్చరించింది. తదుపరి చర్చలపై దృష్టి ఈ పరిణామాల నేపథ్యంలో ఏప్రిల్ 10న ఇస్లామాబాద్'లో జరగనున్న తదుపరి చర్చలు కీలకంగా మారాయి. కాల్పుల విరమణ వార్తలతో 95 డాలర్లకు దిగిన బ్రెంట్ క్రూడ్ ఆయిల్ ధర, తాజా దాడుల ప్రభావంతో మళ్లీ 97 డాలర్లకు పెరిగింది.