Iran:ఆర్టిఫిషియల్ ఇంటెలిజెన్స్'తో పనిచేసే క్షిపణులను మోహరించిన ఇరాన్..!
ఈ వార్తాకథనం ఏంటి
ఇరాన్ గల్ఫ్ ప్రాంతంలో కృత్రిమ మేధ ఆధారంగా పనిచేసే ఆధునిక క్షిపణులను మోహరించినట్లు ఆ దేశ ప్రభుత్వ రంగ మీడియా వెల్లడించింది. "ఇరాన్ రివల్యూషనరీ గార్డ్స్ కోర్ ఘెహమ్, అల్మాస్ క్షిపణులను ప్రయోగించింది. ఇవి కృత్రిమ మేధ ఆధారంగా పనిచేస్తాయి. ప్రయోగం సమయంలో లక్ష్యాలను విజయవంతంగా ఛేదించాయి" అని ఐఆర్‌ఎన్‌ఏ న్యూస్ ఏజెన్సీ ప్రకటించింది. ఇరాన్ దేశీయంగానే ఘెహమ్, అల్మాస్ క్షిపణులను అభివృద్ధి చేసింది. బుషెహర్, ఖుజెస్థాన్ ప్రాంతాల్లో నిర్వహించిన యుద్ధ విన్యాసాల్లో వీటి సామర్థ్యాన్ని పరీక్షించింది. ఈ ప్రాంతంలో అణు విద్యుత్ ప్లాంట్‌తో పాటు పెట్రోకెమికల్ కాంప్లెక్సులు ఉండటమే కాకుండా, ఈ క్షిపణుల సామర్థ్యం కీలకమైంది.
వివరాలు
కృత్రిమ మేధ ఆధారంగా 1,000 కిలోమీటర్ల దూరంలోని లక్ష్యాలను ఛేదించగలిగే క్షిపణులు
ఇరాన్ ఇప్పటికే కృత్రిమ మేధ ఆధారంగా 1,000 కిలోమీటర్ల దూరంలోని లక్ష్యాలను ఛేదించగలిగే క్షిపణులను అభివృద్ధి చేస్తున్నది. ఏఐ రంగంలో ముందంజ వేయాలని, ఈ ప్రాతిపదికపై మరింత పురోగతి సాధించాలని సుప్రీం లీడర్ అయాతుల్లా అలీఖమేనీ ఇటీవల తెలిపిన తరుణంలో ఈ పరీక్షలు జరగడం విశేషం. 1979 నుంచి ఇరాన్ వివిధ రకాల క్షిపణులను అభివృద్ధి చేస్తూ వస్తున్నది.