Aluminum plants: గల్ఫ్లోని అల్యూమినియం ప్లాంట్లపై ఇరాన్ దాడి
ఈ వార్తాకథనం ఏంటి
అబుదాబిలో ఉన్న ఎమిరేట్స్ గ్లోబల్ అల్యూమినియం(ఈజీఎ),బహ్రెయిన్లోని Aluminium Bahrain (ఆల్బా) అల్యూమినియం ప్లాంట్లపై ఇరాన్ క్షిపణి దాడులు జరిపిన ఘటన కలకలం రేపింది. శనివారం తెల్లవారుజామున జరిగిన ఈ దాడిలో అబుదాబిలోని ఖలీఫా ఆర్థిక జోన్లు అబుదాబి పరిధిలో ఉన్న అల్ తవీలా కేంద్రం తీవ్ర నష్టాన్ని చవిచూసింది. దాడి సమయంలో క్షిపణి శకలాలు మూడు వేర్వేరు ప్రదేశాల్లో పడటంతో భారీ అగ్ని ప్రమాదాలు చోటుచేసుకున్నాయి. ఈ ఘటనలో ఐదుగురు భారతీయులు సహా మొత్తం ఆరుగురు ఉద్యోగులు గాయపడ్డారు. ఇదే సమయంలో బహ్రెయిన్లోని ఆల్బా ప్లాంట్పై జరిగిన దాడిలో ఇద్దరు ఉద్యోగులకు స్వల్ప గాయాలు అయ్యాయని కంపెనీ వెల్లడించింది.
వివరాలు
ఈజీఎ, ఆల్బా కలిసి సుమారు 8 శాతం ఉత్పత్తి
ప్రపంచ అల్యూమినియం ఉత్పత్తిలో కీలక పాత్ర పోషిస్తున్న ఈజీఎ, ఆల్బా కలిసి సుమారు 8 శాతం ఉత్పత్తిని నిర్వహిస్తున్నాయి. ముఖ్యంగా ప్రపంచంలో ఐదవ అతిపెద్ద అల్యూమినియం తయారీ సంస్థగా గుర్తింపు పొందిన ఈజీఎపై దాడి జరగడం గ్లోబల్ సరఫరా గొలుసుపై ప్రభావం చూపే అవకాశం ఉందని నిపుణులు హెచ్చరిస్తున్నారు. ఈ దాడులపై స్పందించిన ఇస్లామిక్ రివల్యూషనరీ గార్డ్ కార్ప్స్, తమ ఉక్కు కర్మాగారాలను అమెరికా, ఇజ్రాయెల్ లక్ష్యంగా చేసుకున్న దాడులకు ప్రతిస్పందనగా ఈ చర్య చేపట్టినట్లు తెలిపింది. ఇక భద్రతా చర్యల భాగంగా బహ్రెయిన్ ప్రభుత్వం సాయంత్రం 6 గంటల నుంచి ఉదయం 4 గంటల వరకు సముద్ర ప్రయాణాన్ని తాత్కాలికంగా నిలిపివేసింది.