హమాస్ మిలిటెంట్లను వెంబడించి కాల్చి చంపిన ఇజ్రాయెల్ పోలీసులు.. వీడియో వైరల్
ఇజ్రాయెల్- హమాస్ గ్రూప్ మధ్య యుద్ధం భయంకరంగా సాగుతోంది. తీవ్రమైన ఉద్రిక్తతల నేపథ్యంలో ఇజ్రాయెల్ పోలీసులు విడుదల చేసిన ఓ వీడియో వైరల్‌‌గా మారింది. ఇద్దరు హమాస్ ఉగ్రవాదులను ఇజ్రాయెల్ పోలీసులు వెంబడిస్తున్నట్లు ఆ వీడియోలో కనిపించింది. కారులో వెళ్తున్న మిలిటెంట్లను ఇజ్రాయెల్ పోలీసులు వెంబడిస్తూ వారిపై కాల్పులు జరిపారు. చాలాదూరం వెళ్లిన తర్వాత ఆ కారు ఆగిపోయింది. అనంతరం కారులో ఉన్న వారిపై పోలీసులు బుల్లెట్ల వర్షం కురిపించారు. దీంతో క్షణాల్లోనే కారులోని ఇద్దరు హమాస్ ఉగ్రవాదులు హతమయ్యారు. ఈ దృశ్యాలన్నీ ఆ వీడియోలో కనిపిస్తున్నాయి. గత 4రోజులుగా జరుగుతున్న ఇజ్రాయెల్, హమాస్ యుద్ధంలో రక్తపాతం జరుగుతోంది. ఈ యుద్ధంలో ఇప్పటివరకు 900మంది ఇజ్రాయెల్ ప్రజలు, గాజా స్ట్రిప్‌లో 704మంది చనిపోయారు.
