కరోనా గురించి ఎవరెవరికి ఏం తెలుసో తెలియజేయండి; ప్రపంచ దేశాలకు డబ్ల్యూహెచ్‌ఓ పిలుపు
ఈ వార్తాకథనం ఏంటి
చైనా ల్యాబ్ నుంచే కరోనా వ్యాప్తి జరిగిందని అమెరికాకు చెందిన ఎనర్టీ డిపార్ట్‌మెంట్ ఆరోపించిన నేపథ్యంలో బీజింగ్ దాన్ని తిరస్కరించింది. శుక్రవారం ఈ వ్యవహారంపై ప్రపంచ ఆరోగ్య సంస్థ(డబ్ల్యూహెచ్‌ఓ) స్పందించింది.
కరోనా మూలాలకు సంబంధించి అన్ని దేశాలు తమ దగ్గర ఉన్న సమాచారాన్ని తమతో పంచుకోవాలని డబ్ల్యూహెచ్‌ఓ చీఫ్ డైరెక్టర్ జనరల్ టెడ్రోస్ అధనామ్ కోరారు.
ఎనర్టీ డిపార్ట్‌మెంట్ నివేదికను వెల్లడించిన మరిసటి రోజే అమెరికాకు చెందిన ఎఫ్‌బీఐ డైరెక్టర్ క్రిస్టోఫర్ వ్రే కీలక వ్యాఖ్యలు చేశారు. కరోనా మూలాలు వుహాల్‌లోనే ఉన్నట్లు అనుమానం వ్యక్తం చేశారు.
కరోనా
ఎవరినీ నిందించడానికి కాదు, మహమ్మారిపై అవగాహన కోసమే: డబ్ల్యూహెచ్‌ఓ
చైనా అధికారులు ఎఫ్‌బీఐ ఆరోపణలను ఖండించారు. ఇది తమ దేశంపై జరుగుతున్న దాడిగా అభివర్ణించారు.
ఎనర్టీ డిపార్ట్‌మెంట్, ఎఫ్‌బీఐ ఆరోపిస్తున్నట్లు చైనాలో వైరస్ రీసెర్చ్ లాబొరేటరీ ఉన్నవుహాన్ నగరంలోనే 2019 చివరిలో కరోనా మొదటి కేసులు నమోదయ్యాయి.
ఈ క్రమంలో స్పందించిన డబ్ల్యూహెచ్‌ఓ చీఫ్ టెడ్రోస్.. అమెరికా లాగానే ఇతర దేశాలు కూడా తమ తెలిసిన సమాచారాన్ని తమతో లేదా అంతర్జాతీయ శాస్త్రీయ సమాజంతో పంచుకోవడం చాలా అవసరం అన్నారు.
ఇది ఒకరిని నిందించడానికి కాదని, మహమ్మారి ఎలా ప్రారంభమైందనే దానిపై అవగాహనను పెంచుకోవడానికని చెప్పారు. తద్వారా భవిష్యత్తులో వచ్చే అంటువ్యాధులు, మహమ్మారిని నిరోధించవచ్చని పేర్కొన్నారు.