London: సబ్‌స్టేషన్‌లో అగ్నిప్రమాదం.. లండన్‌ హీథ్రో ఎయిర్‌పోర్టు మూసివేత
ఈ వార్తాకథనం ఏంటి
లండన్‌లోని హీథ్రో ఎయిర్‌పోర్టు సమీపంలో భారీ అగ్నిప్రమాదం సంభవించింది.
ఈ ఘటన నేపథ్యంలో మార్చి 22 వరకు విమానాశ్రయంలో రాకపోకలను నిలిపివేస్తున్నట్లు అధికారులు ప్రకటించారు.
ఎయిర్‌పోర్టులోని విద్యుత్ సబ్‌స్టేషన్‌లో అగ్ని ప్రమాదం జరగడంతో భారీగా మంటలు ఎగిసిపడ్డాయి.
దీంతో విద్యుత్ సరఫరా నిలిచిపోవడంతో విమానాశ్రయ కార్యకలాపాలకు తీవ్ర అంతరాయం కలిగింది.
ప్రయాణికులు 24 గంటల పాటు విమానాశ్రయానికి రాకూడదని, మరిన్ని వివరాల కోసం సంబంధిత విమానయాన సంస్థలను సంప్రదించాలని అధికారులు సూచించారు.
అయితే విమానాశ్రయ కార్యకలాపాలు ఎప్పుడుపునరుద్ధరించబడతాయనే విషయంపై స్పష్టమైన సమాచారం ఇవ్వలేదు.
వివరాలు
మంటలను ఆర్పడానికి 10 అగ్నిమాపక యంత్రాలు
విమానాశ్రయానికి విద్యుత్ సరఫరా చేసే సబ్‌స్టేషన్‌లో అగ్ని ప్రమాదం సంభవించడంతో సమీపంలోని ప్రాంతాల్లో విద్యుత్ అంతరాయం ఏర్పడింది.
చుట్టుపక్కల నివాసాల్లో చీకట్లు అలముకోవడంతో 150 మందికి పైగా ప్రజలను అధికారులు సురక్షిత ప్రాంతాలకు తరలించారు.
మంటలను అదుపులోకి తెచ్చేందుకు 10 అగ్నిమాపక యంత్రాలు, 70 మంది సిబ్బంది కృషి చేస్తున్నారు.
ఈ ఘటనలో ప్రయాణికులెవరూ గాయపడలేదని స్పష్టం చేశారు. అయితే, అగ్ని ప్రమాదానికి గల కారణం ఇంకా తెలియరాలేదు.
ట్విట్టర్ పోస్ట్ చేయండి
లండన్‌ హీథ్రో ఎయిర్‌పోర్టులో మంటల దృశ్యాలు
🚨 BREAKING: Heathrow Airport says it will be closed all day due to significant power outage caused by a fire at a nearby electrical substation
— Politics UK (@PolitlcsUK) March 21, 2025
“We expect significant disruption over the coming days and passengers should not travel to the airport under any circumstances” pic.twitter.com/jeqEqb8BX6