Japan Earthquake: జపాన్‌లో భారీ భూకంపం.. రిక్టర్‌ స్కేలుపై 6.0 తీవ్రత నమోదు!
ఈ వార్తాకథనం ఏంటి
జపాన్‌ తీర ప్రాంతంలో ఆదివారం తెల్లవారుజామున భారీ భూకంపం సంభవించింది. రిక్టర్‌ స్కేలుపై 6.0 తీవ్రతతో భూమి కంపించింది. నవంబర్‌ 1వ తేదీ తెల్లవారుజామున భారత కాలమానం ప్రకారం 3.45 గంటలకు ఈ ప్రకంపనలు నమోదయ్యాయి. షిమా నగరానికి ఆగ్నేయంగా 58 కిలోమీటర్ల దూరంలో భూకంపం సంభవించినట్లు అమెరికా భూగర్భ సర్వే (USGS) వెల్లడించింది. భూమికి 352 కిలోమీటర్ల లోతులో భూకంప కేంద్రం ఉన్నట్లు యూఎస్‌జీఎస్‌ తెలిపింది. శనివారం రాత్రి 22:15 యూటీసీ సమయంలో ఈ ప్రకంపనలు చోటుచేసుకున్నట్లు పేర్కొంది.
వివరాలు
ఎలాంటి ప్రాణనష్టం జరగలేదు
మరోవైపు జపాన్‌ వాతావరణ సంస్థ (JMA) వెల్లడించిన వివరాల ప్రకారం.. ఫుకుషిమా ప్రిఫెక్చర్‌లోని కొన్ని ప్రాంతాల్లో ఏడు స్థాయిల భూకంప తీవ్రత కొలమానంపై 3వ స్థాయి ప్రకంపనలు నమోదయ్యాయి.
అయితే ఈ భూకంపం నేపథ్యంలో ఎలాంటి సునామీ హెచ్చరికలు జారీ చేయలేదు. ఇప్పటివరకు ఈ ప్రకంపనల కారణంగా ఎలాంటి ప్రాణనష్టం లేదా ఆస్తినష్టం జరిగినట్లు సమాచారం అందలేదని అధికారులు వెల్లడించారు.
భూకంప తీవ్రత ఎక్కువగా ఉన్నప్పటికీ నష్టం వివరాలు ఏవీ నివేదించబడలేదు.