నరేంద్ర మోదీని 'ది బాస్' అని పిలిచిన ఆస్ట్రేలియా ప్రధాని
మూడు రోజుల పర్యటన నిమిత్తం ఆస్ట్రేలియాకు వెళ్లిన ప్రధానికి విశేష ఆదరణ లభిస్తోంది. సిడ్నీలోని ఖుడోస్ బ్యాంక్ ఎరీనాలో మంగళవారం భారతీయ ప్రవాస భారతీయుల కోసం ఏర్పాటు చేసిన పెద్ద ఎత్తున హర్షధ్వానాలతో మోదీ అపూర్వ స్వాగతం పలికారు. ఈ సందర్భంగా నరేంద్ర మోదీపై ఆస్ట్రేలియా ప్రధాని ఆంథోనీ అల్బనీస్ ప్రశంసలు కురిపించారు. భారత ప్రధాని నరేంద్ర మోడీని "ది బాస్" అని సంభోదించారు. తాను ఈ వేదికపై చివరిసారిగా అమెరికాకు చెందిన రాక్‌స్టార్ బ్రూస్ స్ప్రింగ్‌స్టీన్‌ను చూశానని, కానీ ప్రధాని మోదీకి లభించిన స్వాగతం అతనికి లభించలేదన్నారు. అందుకే 'ప్రధాని మోదీ ది బాస్' అని అల్బనీస్ సంభోదించారు. యాధృచ్చితంగా బ్రూస్ స్ప్రింగ్‌స్టీన్‌ను తన అభిమానులు బాస్ అని పిలుచుకుంటారు.
భారతదేశం ప్రపంచంలో మూడవ అతిపెద్ద ఆర్థిక వ్యవస్థ: అల్బనీస్
ఆస్ట్రేలియా ప్రధానమంత్రి ఆంథోనీ అల్బనీస్ ఈ ఏడాది మార్చిలో తన భారత పర్యటనను గుర్తుచేసుకున్నారు. 1991లో తాను భారతదేశానికి వచ్చిన సమయాన్ని గుర్తు చేసుకున్నారు. భారతదేశాన్ని అర్థం చేసుకోవాలంటే రైలు, బస్సుల్లో ప్రయాణించాలన్నారు. మార్చిలో తాను భారతదేశంలో ఉన్నప్పటి క్షణాలు మరిచిపోలేనివన్నారు. ఆస్ట్రేలియాకు వచ్చిన ప్రధాని మోదీకి స్వాగతం పలకడం చాలా సంతోషంగా ఉందని ఆయన అన్నారు. భారతదేశం ప్రపంచంలో మూడవ అతిపెద్ద ఆర్థిక వ్యవస్థగా ఎదుగుతుందని, ఇది ఇప్పటికే ప్రపంచంలో అత్యంత జనాదరణ పొందిన దేశమని చెప్పారు. హిందూ మహాసముద్రంలో ఇది ఒక ముఖ్యమైన పొరుగు దేశం అన్నారు. ఆస్ట్రేలియా ప్రధానమంత్రిగా ఆంథోనీ అల్బనీస్ ప్రమాణ స్వీకారం చేసిన తర్వాత మోదీని ఆరుసార్లు కలిసారు.
