US: అమెరికాలో గాల్లో ఢీకొన్న రెండు హెలికాప్టర్లు.. ఒక పైలట్ మృతి
ఈ వార్తాకథనం ఏంటి
అమెరికాలో జరిగిన ఓ దుర్ఘటన రెండు హెలికాప్టర్లను కూల్చివేసింది. ఆదివారం దక్షిణ న్యూజెర్సీ ప్రాంతంలో గాల్లో ప్రయాణిస్తున్న రెండు హెలికాప్టర్లు పరస్పరం ఢీకొన్నాయి. ఢీకొన్న వెంటనే నియంత్రణ కోల్పోయిన అవి రెండూ నేలపై పడిపోయాయి.ఈ ప్రమాదంలో ఒక పైలట్ అక్కడికక్కడే మృతి చెందగా,మరో పైలట్ తీవ్ర గాయాలతో ప్రాణాపాయ స్థితిలో చికిత్స పొందుతున్నాడు. ఈ ఘటనకు సంబంధించిన దృశ్యాలు ప్రస్తుతం సోషల్ మీడియాలో వైరల్ అవుతున్నాయి. ఫెడరల్ ఏవియేషన్ అడ్మినిస్ట్రేషన్ (FAA) వెల్లడించిన వివరాల ప్రకారం, ఎన్ స్ట్రోమ్ F-28A, ఎన్ స్ట్రోమ్ 280C మోడల్కు చెందిన హెలికాప్టర్లు ఈ ప్రమాదానికి గురయ్యాయి. ప్రమాదం జరిగిన సమయంలో రెండు హెలికాప్టర్లలో ఒక్కొక్క పైలట్ మాత్రమే ఉన్నట్లు అధికారులు తెలిపారు.
వివరాలు
వీడియోలో గాల్లో గిరగిర తిరుగుతూ విమానం కూలిపోయిన దృశ్యాలు
ఈ సంఘటన అట్లాంటిక్ కౌంటీలోని హామోంటన్ విమానాశ్రయానికి సమీపంలో ఆదివారం ఉదయం సుమారు 11:25 గంటలకు చోటుచేసుకున్నట్లు అసోసియేటెడ్ ప్రెస్ పేర్కొంది. ప్రమాద సమాచారం అందిన వెంటనే అత్యవసర సేవా బృందాలు ఘటనాస్థలికి చేరుకుని సహాయక చర్యలు ప్రారంభించాయి. హెలికాప్టర్లు నేలపై పడే ముందు గాల్లో గిరగిర తిరుగుతూ కూలిపోయిన దృశ్యాలు వీడియోలో స్పష్టంగా కనిపిస్తున్నాయి. అగ్నిమాపక సిబ్బంది, పోలీసులు వేగంగా స్పందించి మంటలను అదుపులోకి తీసుకొచ్చారు. ఒక పైలట్ మృతదేహాన్ని అధికారులు స్వాధీనం చేసుకోగా, తీవ్రంగా గాయపడిన మరో పైలట్ను ఆస్పత్రికి తరలించి చికిత్స అందిస్తున్నారు. అయితే, వారి వ్యక్తిగత వివరాలను ఇంకా వెల్లడించలేదు.
వివరాలు
వాతావరణ పరిస్థితులే ఈ ప్రమాదానికి కారణమా?
ఈ ప్రమాదం జరిగిన సమయంలో ఆకాశం మేఘావృతంగా ఉండగా, గాలులు కూడా తక్కువ స్థాయిలోనే వీస్తున్నట్లు సమాచారం. వాతావరణ పరిస్థితులే ఈ ప్రమాదానికి కారణమా? లేక మరేదైనా సాంకేతిక లోపాలు లేదా మానవ తప్పిదాలున్నాయా? అనే అంశాలపై అధికారులు విచారణ చేపట్టారు. దర్యాప్తులో భాగంగా వాతావరణ సమాచారంతో పాటు, ఎయిర్ ట్రాఫిక్ కమ్యూనికేషన్ వివరాలు, హెలికాప్టర్ల నిర్వహణ రికార్డులను కూడా సమగ్రంగా పరిశీలిస్తున్నారు.
ట్విట్టర్ పోస్ట్ చేయండి
విమానం కూలిపోయిన దృశ్యాలు
MID-AIR HELICOPTER COLLISION SPARKS EMERGENCY RESPONSE IN NEW JERSEY🚨
— Info Room (@InfoR00M) December 28, 2025
🇺🇸 Two helicopters reportedly collided midair and crashed near Hammonton, triggering a large emergency response. Witnesses described flames and thick smoke rising from the crash site.
Law enforcement and… pic.twitter.com/djgyuEWYFG