Hanif Abbasi: 130 అణుబాంబులతో భారత్‌పై దాడి చేస్తాం.. పాకిస్థాన్ రైల్వే మంత్రి హెచ్చరిక!
ఈ వార్తాకథనం ఏంటి
పహల్గామ్ ఉగ్రవాద దాడి తరువాత, భారతదేశం సింధు నదీ జలాల ఒప్పందాన్ని నిలిపివేయడం పాకిస్థాన్‌లో తీవ్ర కలతను కలిగించింది.
ప్రతిరోజూ పాకిస్థాన్ నేతలు ఏదో ఒక ప్రకటనను విడుదల చేస్తూ, భారతదేశం ప్రతీకార చర్యలను చేపడుతుందని తమ భావనను వ్యక్తం చేస్తున్నారు.
ఈ దాడి తర్వాత పాకిస్థాన్ రైల్వే మంత్రి హనీఫ్ అబ్బాసి తాజాగా భారతదేశంపై సంచలన వ్యాఖ్యలు చేశారు.
Details
పాకిస్థాన్‌కి సమాధానం ఇస్తామని హెచ్చరిక
రావల్పిండిలో విలేకరుల సమావేశంలో మాట్లాడిన హనీఫ్ అబ్బాసి, భారతదేశం తనతో నీటిని నిలిపివేస్తే, తాము దానికి తగిన సమాధానం ఇస్తామని చెప్పారు.
'మా క్షిపణులన్నీ భారతదేశం వైపు వెళ్తున్నాయని ఆయన వ్యాఖ్యానించారు.
భారతదేశం ఏదైనా సాహసోపేత చర్య తీసుకుంటే, దానికి మూల్యం చెల్లించాల్సి ఉంటుందని హెచ్చరించారు.
Details
పాకిస్థాన్ వద్ద శక్తివంతమైన అణు బాంబులు
పాకిస్థాన్ దగ్గర ప్రపంచంలోనే అత్యంత శక్తివంతమైన అణు బాంబులు ఉన్నాయని, గోరీ, షాహీన్, ఘజ్నవి వంటి క్షిపణులను, 130 అణు బాంబులను భారతదేశం కోసమే ఉంచుకున్నామని హనీఫ్ అబ్బాసి రెచ్చగొట్టే వ్యాఖ్యలు చేశారు.
పాకిస్థాన్ సరిహద్దులను రక్షించుకోవడానికి తమ ప్రభుత్వం పూర్తి సన్నాహాలు చేస్తున్నట్లు తెలిపారు.
పహల్గామ్ దాడి, భారత్ సింధు జల ఒప్పందాన్ని రద్దు చేయాలని ఎప్పటి నుంచో ప్లాన్ చేసిన కారణంగా జరిగిన ఒక సాకు మాత్రమేనని ఆయన ఆరోపించారు.
పాకిస్థాన్ రైల్వే సైన్యానికి సహాయం
పాకిస్థాన్ రైల్వేలు, సైన్యానికి అవసరమైనప్పుడు సహాయం చేయడానికి ఎప్పటికైనా సిద్ధంగా ఉంటాయని హనీఫ్ అబ్బాసి ప్రకటించారు.
పాకిస్థాన్ సైన్యానికి అవసరమైనప్పుడు రైల్వేలను ఉపయోగించుకోవచ్చని ఆయన అన్నారు.
Details
ఆయన రాజకీయ జీవితం ఇదే
హనీఫ్ అబ్బాసి పాకిస్థాన్ ముస్లిం లీగ్ (నవాజ్) నాయకుడు. జమాతే ఇ ఇస్లామీ సభ్యుడిగా తన రాజకీయ జీవితాన్ని ప్రారంభించారు.
2008లో PML-Nలో చేరారు. 2012లో 500 కిలోల ఎఫెడ్రిన్ డ్రగ్స్‌ను దుర్వినియోగం చేశారనే ఆరోపణలతో అబ్బాసిపై ఎఫ్‌ఐఆర్ నమోదైంది.