Italy: ఇటలీలో పాలస్తీనా అనుకూల నిరసనలు.. 60 మంది పోలీసులకు గాయాలు
ఈ వార్తాకథనం ఏంటి
ఇటలీ పాలస్తీనా అనుకూల ఆందోళనలతో అట్టుడికింది. పాలస్తీనాను ప్రత్యేక దేశంగా గుర్తించాలంటూ దేశవ్యాప్తంగా, ముఖ్యంగా చారిత్రక నగరం రోమ్‌లో నిరసనలు ప్రారంభమయ్యాయి. ఆందోళనల సమయంలో కొంతమంది వ్యక్తులు హింసాపరమైన చర్యలకు పాల్పడ్డారు. పాలస్తీనా జెండాలు ఎత్తుకొని రోడ్లపైకి వచ్చిన నిరసనకారులను పోలీసులు అడ్డుకున్నారు. దీని ఫలితంగా, కొన్ని షాపుల అద్దాలు ధ్వంసం అయ్యాయి. ఈ ఘర్షణల్లో 60 మంది పోలీస్ అధికారులు గాయపడ్డారు, 10 మంది నిరసనకారులను అదుపులోకి తీసుకున్నారు. ఇటలీ పాలస్తీనాను ప్రత్యేక దేశంగా గుర్తించే ఇష్టాన్ని ప్రకటించినప్పటికీ, ఐక్యరాజ్య సమితి సమావేశంలో వేసిన ఓటు తర్వాత, ప్రధాని జార్జియా మెలోని ఆ నిర్ణయాన్ని వెనక్కి తీసుకున్నారు.
వివరాలు
ఆందోళనలపై ప్రధాని మెలోని ఆగ్రహం
ప్రస్తుతానికి పాలస్తీనాను అధికారికంగా గుర్తించకూడదని దేశం నిర్ణయించింది. ఈ నిర్ణయాన్ని వ్యతిరేకిస్తూ, ప్రజలు దేశవ్యాప్తంగా సార్వత్రిక సమ్మెకు పిలుపునిచ్చారు. "అన్నిటినీ బ్లాక్‌ చేయండి (Let's Block Everything)" అనే నినాదంతో ఆందోళనలు జరిగాయి. రోమ్, జనోవా, లివర్నో, ట్రీస్టే నగరాల్లోని ఓడరేవుల్లో కార్మికులు నిరసన వ్యక్తం చేశారు. వెనీస్‌లోని ఓడరేవు వద్ద పోలీసులు వాటర్‌ క్యానన్ ఉపయోగించి ప్రదర్శన కారులను తరిమివేయాలని ప్రయత్నించారు. బొలాంగాలో జాతీయ రహదారిని ఆందోళనకారులు బంద్ చేసి వాహనాల రాకపోకను నిలిపివేశారు. రోమ్‌లో రైల్వే స్టేషన్ వెలుపల కూడా వేలాది మంది బైఠాయించి నిరసనలు వ్యక్తం చేశారు. కాగా, దేశవ్యాప్తంగా జరిగుతున్న ఆందోళనలపై ప్రధాని మెలోని ఆగ్రహం వ్యక్తం చేశారు. హింసను సిగ్గుచేటుగా అభివర్ణించారు.