Russia drone attacks: ఉక్రెయిన్‌పై రష్యా భారీ డ్రోన్ దాడి: ఒకేసారి 273 డ్రోన్లు ప్రయోగం
ఈ వార్తాకథనం ఏంటి
ఉక్రెయిన్‌పై రష్యా మరోసారి భారీ స్థాయిలో డ్రోన్ దాడులకు తెగబడి, యుద్ధ తీవ్రతను మరింత పెంచింది.
శనివారం రాత్రి ఒక్కసారిగా వందల సంఖ్యలో డ్రోన్లను ప్రయోగించిన రష్యా, ఇది 2022 ఫిబ్రవరిలో యుద్ధం ప్రారంభమైనప్పటి నుంచి మాస్కో చేపట్టిన అతిపెద్ద డ్రోన్ దాడుల్లో ఒకటిగా ఉక్రెయిన్ వర్గాలు వెల్లడించాయి.
ఈ ఘటన ఇస్తాంబుల్‌లో ఉక్రెయిన్-రష్యా ప్రతినిధుల మధ్య శాంతి చర్చలు కొనసాగుతున్న సమయంలో జరగడం గమనార్హం.
ఉక్రెయిన్ వైమానిక దళం ప్రకారం, రష్యా మొత్తం 273 షాహిద్ ఆత్మాహుతి డ్రోన్లను ప్రయోగించింది. అందులో 88 డ్రోన్లను తమ భద్రతా బలగాలు విజయవంతంగా తునాతునకలు చేశాయని తెలిపారు.
గతంలో 267 డ్రోన్ల దాడి జరగగా, ఇప్పుడు దాన్ని మించి తాజా దాడి అత్యధికంగా నమోదైంది.
Details
యుద్ధానికి ముగింపు పలకాలి
ఈ డ్రోన్ దాడుల్లో కీవ్‌, నిప్రోపెట్రోవ్స్క్‌, దొనెట్స్క్‌ ప్రాంతాలు ప్రధాన లక్ష్యాలుగా మారాయి. కీవ్‌ నగరంలో ఓ మహిళ మృతి చెందింది. మరో ముగ్గురు గాయపడ్డారు.
కీవ్‌ పరిధిలో ప్రయోగించిన డ్రోన్లను కూడా కూల్చివేశామని రష్యా రక్షణ శాఖ వర్గాలు తెలిపాయి.
ఈ నేపథ్యంలో, యుద్ధ పరిణామాలపై స్పందించిన రష్యా అధ్యక్షుడు వ్లాదిమిర్ పుతిన్, శాశ్వత శాంతి కోసం మాస్కో తీసుకోవాల్సిన నిబంధనలు స్పష్టం చేశారు.
ఇదే సమయంలో, అమెరికా మాజీ అధ్యక్షుడు డొనాల్డ్ ట్రంప్‌ మాట్లాడుతూ, యుద్ధానికి ముగింపు పలికించడమే తన లక్ష్యమని, ఈ అంశంపై పుతిన్‌తో మాట్లాడతానని తెలిపారు.
తాజా ఘటనలతో యుద్ధ భవిష్యత్‌పై మరోసారి సందిగ్ధత ఏర్పడింది.