Vladimir Putin: అణ్వాయుధ సామర్థ్యం గల పోసిడాన్ సూపర్ టార్పెడో పుతిన్ చెప్పారు.
ఈ వార్తాకథనం ఏంటి
రష్యా అధ్యక్షుడు వ్లాదిమిర్ పుతిన్ అణ్వాయుధ సామర్థ్యం కలిగిన "పోసిడాన్" మానవరహిత అండర్‌వాటర్ వాహనాన్ని (Underwater Vehicle) విజయవంతంగా పరీక్షించినట్లు ప్రకటించారు. ఈ వాహనాన్ని ఒక జలాంతర్గామి (Submarine) నుండి బూస్టర్ ఇంజిన్ సహాయంతో సమర్థవంతంగా పరీక్షించారని ఆయన తెలిపారు. పోసిడాన్‌ను అణ్వాయుధ సామర్థ్యం గల టార్పిడో (Torpedo)గా అభివర్ణిస్తున్నారు. సముద్ర గర్భంలో ఈ టార్పిడో ఆటోమేటిక్‌గా న్యూక్లియర్ ప్రొపల్షన్ సిస్టమ్ (Nuclear Propulsion System)ను సక్రియం చేస్తుందని పుతిన్ వివరించారు. మాస్కోలోని ఒక మిలిటరీ ఆస్పత్రిని సందర్శించిన సందర్భంలో ఆయన ఈ విషయాన్ని వెల్లడించారు.
వివరాలు
"పోసిడాన్" అనే పేరు గ్రీకు సముద్ర దేవుడి పేరు
క్రెమ్లిన్ ప్రతినిధి దిమిత్రి పెస్కోవ్ మాట్లాడుతూ, పోసిడాన్ కొత్త తరహా సాంకేతికతకు చిహ్నమని పేర్కొన్నారు. ప్రపంచ శాంతి కోసం ఇటువంటి ఆధునిక ఆయుధాలు అవసరమని ఆయన అన్నారు. ఈ పరీక్ష అన్ని అంతర్జాతీయ నిబంధనలు, ద్వైపాక్షిక ఒప్పందాల ప్రకారం నిర్వహించబడిందని స్పష్టం చేశారు. న్యూక్లియర్ పవర్‌తో నడిచే పోసిడాన్ టార్పిడో తీరప్రాంతాల్లో తీవ్రమైన రేడియోధార్మికత (Radioactivity) సృష్టించే సామర్థ్యం కలిగి ఉందని నివేదికలు చెబుతున్నాయి. "పోసిడాన్" అనే పేరు గ్రీకు సముద్ర దేవుడి పేరుతో పెట్టుకున్నదని రష్యా వెల్లడించింది. అణ్వాయుధ టార్పిడో పరీక్ష మంగళవారం విజయవంతంగా జరిగినట్లు పుతిన్ తెలిపారు. ఇలాంటి సాంకేతిక ఆయుధం ప్రపంచంలో మరొకటి లేదని, దాన్ని అడ్డుకునే మార్గం ఏదీ లేదని ఆయన స్పష్టం చేశారు.
వివరాలు
10,000 కిలోమీటర్ల దూరం ప్రయాణించగల పోసిడాన్ టార్పిడో
సుమారు 10,000 కిలోమీటర్ల దూరం ప్రయాణించగల పోసిడాన్ టార్పిడో గంటకు 185 కిలోమీటర్ల వేగంతో కదలగలదని సమాచారం. ఉక్రెయిన్‌తో జరుగుతున్న యుద్ధం నేపథ్యంలో రష్యా వెనక్కి తగ్గదన్న సంకేతాన్ని పుతిన్ ఈ ప్రకటనతో ఇచ్చారు. ప్రస్తుతం ఆయుధ సమీకరణలో అమెరికా, చైనా, రష్యా మధ్య పోటీ నడుస్తున్న సందర్భంలో, పోసిడాన్ వంటి అణ్వాయుధ టార్పిడో కలిగి ఉండటం రష్యాకు గర్వకారణమని ఆయన పేర్కొన్నారు. సుమారు 20 మీటర్ల పొడవు, 1.8 మీటర్ల వ్యాసం కలిగిన ఈ టార్పిడో బరువు దాదాపు 100 టన్నులుగా అంచనా వేస్తున్నారు.
వివరాలు
టీవల రష్యా విజయవంతంగా పరీక్షించిన 'బురెవిస్నిక్'
సుమారు రెండు మెగాటన్నుల వార్‌హెడ్ (Warhead)ను మోసుకెళ్లగల సామర్థ్యం కలిగి ఉందని నిపుణులు పేర్కొంటున్నారు. అయితే రక్షణ నిపుణులు మాత్రం ఈ ఆయుధం పట్ల ఆందోళన వ్యక్తం చేస్తున్నారు. పోసిడాన్ తన సామర్థ్యంతో రష్యా వద్ద ఉన్న ఖండాంతర క్షిపణి "సర్మత్" కంటే శక్తివంతమని పుతిన్ వెల్లడించారు. అదేవిధంగా అణ్వాయుధ సామర్థ్యం గల "బురెవిస్నిక్" క్షిపణిని కూడా ఇటీవల రష్యా విజయవంతంగా పరీక్షించిన విషయం తెలిసిందే.