దేశ రాజకీయాల్లో సెగలు పుట్టిస్తున్న నేపాల్ ప్రధాని వ్యాఖ్యలు
ఈ వార్తాకథనం ఏంటి
భారత్‌కు వ్యాపారవేత్తపై నేపాల్ ప్రధాని పుష్పకుమార్ దహల్ చేసిన వ్యాఖ్యలు ఆ దేశ రాజకీయాల్లో సెగలు పుట్టిస్తున్నాయి.
తనను ప్రధానిని చేసేందుకు నేపాల్ లో స్థిరపడిన భారత వ్యాపారి సర్దార్ ప్రీతమ్ సింగ్ గతంలో ప్రయత్నాలు చేశారని చేసిన కామెంట్స్‌పై ప్రతిపక్షాలు పెద్ద ఎత్తున ఆగ్రహం వ్యక్తం చేస్తున్నాయి. దీంతో ప్రధాని రాజీనామా చేయాలని డిమాండ్లు వెల్లువెత్తాయి.
ఖాట్మండులో స్థిరపడిన ప్రముఖ భారత వ్యాపారవేత్త సర్దార్ ప్రీతమ్ సింగ్ జీవత కథపై రచించిన పుస్తకావిష్కరణ కార్యక్రమానికి ప్రధాని హజరయ్యారు.
ఈ సమావేశంలో ఆయన మాట్లాడుతూ నేపాల్-భారత్ సంబంధాలను మెరుగుపరచడంలో సర్దార్ ప్రీతమ్ కీలక పాత్ర పోషించారని, ఆయన ఓ సారి తనను ప్రధానిగా చేసేందుకు ప్రయత్నాలు కూడా చేశారని కీలక వ్యాఖ్యలు చేశారు.
Details
తన వ్యాఖ్యలను వక్రీకరించారన్న ప్రధాని
సర్దార్ ప్రీతమ్ అనేకసార్లు ఢిల్లీకి వెళ్లి తనను ప్రధానిని చేసేందుకు ఖాట్మాండులోని రాజకీయ నేతలతో పలు ధపాలుగా చర్చలు కూడా జరిపారని నేపాల్ ప్రధాని పుష్ప కుమార్ దహల్ ప్రచండ చెప్పారు.
ఈ వ్యాఖ్యలు కాస్తా నేపాల్ రాజకీయాల్లో తీవ్ర దూమారం రేపుతున్నాయి.
ప్రధాన ప్రతిపక్షమైన కమ్యూనిస్టు పార్టీ ఆప్ నేపాల్ చైర్మన్ కేపీ శర్మ ఓలీ మాట్లాడుతూ ఈ వ్యాఖ్యలపై ప్రధాని నైతిక బాధ్యత వహిస్తూ తక్షణమే ప్రధాని పదవి నుంచి వైదొలగాలని అన్నారు. ప్రధాని వ్యాఖ్యలు దేశ స్వతంత్రత, మర్యాదకు భంగం కలిగించాయన్నారు.
ఈ వ్యాఖ్యలపై ప్రచండ స్పందిస్తూ తన వ్యాఖ్యలను కావాలనే వక్రీకరించి వివాదం రేపుతున్నారని, పుస్తకంలో ప్రీతమ్ షింగ్ చెప్పిన వ్యాఖ్యలనే తాను చెప్పానని చెప్పారు.