సెర్బియాలో మళ్లీ పేలిన తుపాకీ.. దుండగుడి కాల్పులో 8 మంది మృత్యువాత
ఈ వార్తాకథనం ఏంటి
సెర్బియా రాజధాని సమీపంలో మరోసారి కాల్పులు కలకలం సృష్టించాయి. గురువారం అర్ధరాత్రి రాజధాని బెల్ గ్రేడ్ సమీపంలోని పట్టణంలో 21 ఏళ్ల అనుమానితుడు కాల్పులు జరిపాడు.
ఈ ఘటనలో 8 మంది మృతి చెందగా.. మరో 10 మంది గాయపడ్డారు. గత రెండు రోజుల్లో సెర్బియాలో కాల్పులు జరగడం ఇది రెండోసారి.
బెల్ గ్రెడ్ కు సమీపంలోని మ్లడోనోవాక్ లో దుండగుడు ఆటోమెటిక్ వెపన్ తో కాల్పులకు తెగబడ్డాడు. కదులుతున్న వాహనంలోని ఓ వ్యక్తి విచక్షణా రహితంగా కాల్పులు జరిపాడని, అనంతరం అక్కడి నుంచి అతను పరారయ్యాడని స్థానిక మీడియా వెల్లడించింది.
ప్రస్తుతం నిందితుడి కోసం గాలింపు చర్యలను వేగవంతం చేశారు.
Details
దేశంలో కలకలం సృష్టించిన కాల్పులు
13 ఏళ్ల బాలుడు తన తండ్రి తుపాకీతో బుధవారం వ్లాడిస్లావ్ రిబ్నికర్ ప్రాథమిక పాఠశాలలో కాల్పులు జరిపాడు. ఈ ప్రమాదంలో ఎనిమిది విద్యార్థులు, ఓ గార్డు మరణించాడు. దేశవ్యాప్తంగా ఈ కాల్పులు కలకలం సృష్టించాయి.
తలపై బుల్లెట్ గాయమైన ఒక విద్యార్థిని పరిస్థితి తీవ్రంగా ఉందని వైద్యులు తెలిపారు. షూటర్‌ను కోస్టా కెక్‌మనోవిచ్‌గా పోలీసులు గుర్తించారు.
దుండగుడు మొదట పాఠశాలలోకి ప్రవేశించి ఒక గార్డు,ముగ్గురు విద్యార్థులను హాలులో కాల్చి చంపాడని, ఆ తరువాత వేరే తరగతి గదిలో ఉన్న ఒక ఉపాధ్యాయుడు, ఇతర విద్యార్థులపై కాల్పులు జరిపినట్లు పోలీసులు వెల్లడించారు.