H-1B Visa: హెచ్‌1బీ వీసా ఫీజు లక్ష డాలర్లు.. వారికి మాత్రం వర్తించదు!
ఈ వార్తాకథనం ఏంటి
అమెరికాలో ఉద్యోగం కోసం కలలు కనే విదేశీ విద్యార్థులకు ఊరటగా ఉంది. హెచ్‌-1బీ (H-1B) వీసా ఫీజు విషయంలో అమెరికా పౌరసత్వం, వలస సేవల సర్వీస్‌ (USCIS) కీలక ప్రకటన చేసింది. USCIS స్పష్టం చేసిన ప్రకారం, హెచ్‌1బీ వీసాకు పెంచిన లక్ష డాలర్ల ఫీజు దేశం బయట నుంచి వచ్చే దరఖాస్తుదారులకు మాత్రమే వర్తిస్తుంది. అమెరికాలో ఇప్పటికే చదువుతున్న, ఉద్యోగాల కోసం హెచ్‌1బీ వీసా దరఖాస్తు చేసుకునే విద్యార్థులు ఈ ఫీజు చెల్లించాల్సిన అవసరం లేదు. దేశం వెలుపల నుంచి దరఖాస్తు చేసుకునే విదేశీయులే లక్ష డాలర్లు చెల్లించాల్సి ఉంటుంది.
Details
ఆన్ లైన్ సేవలు ప్రారంభం
దీని ప్రకారం, అమెరికాలో ఉద్యోగం చేయాలనుకునే విదేశీయులు మొదట అక్కడ కొన్ని సంవత్సరాలు చదువుకోవడం తప్పనిసరి. USCIS ప్రకటన ప్రకారం, సెప్టెంబర్‌ 21న వెలువడిన హెచ్‌1బీ ఫీజు విధానం ప్రకారం ఆ తేదీ తర్వాత దాఖలైన దరఖాస్తులకే ఇది వర్తిస్తుంది. ఫీజు చెల్లింపు కోసం ఆన్‌లైన్‌ సేవలు ఇప్పటికే ప్రారంభించబడ్డాయి. ఎఫ్‌-1 విద్యార్థి వీసా హోల్డర్లు, హెచ్‌1బీకి మారాలనుకునే వారు లేదా ఇప్పటికే అమెరికాలో చెల్లుబాటు అయ్యే హోదాతో ఉన్నవారికి ఈ లక్ష డాలర్ల ఫీజు మినహాయింపు ఉంటుంది.