US Shutdown: ఇవాళ అమెరికా షట్‌డౌన్.. ఎన్నిసార్లు విధించారంటే?
ఈ వార్తాకథనం ఏంటి
అమెరికా ప్రభుత్వం ఇవాళ షట్‌డౌన్ (US Shutdown) ప్రకటించింది. రిపబ్లికన్ పార్టీ ప్రవేశపెట్టిన నిధుల బిల్లుకు సెనేట్‌లో ఆమోదం దక్కకపోవడంతో, డెడ్‌లైన్ ముగిసిన వెంటనే వైట్ హౌస్ షట్‌డౌన్ ప్రకటించింది. ఇటీవ‌ల అమెరికాలో షట్‌డౌన్‌లు కొన్ని సార్లు చోటుచేసుకున్నప్పటికీ, ఇది మూడోసారి డోనాల్డ్ ట్రంప్ పాలనలో జరగడం ప్రత్యేకం. 2018లో ట్రంప్ ప్రభుత్వం 35 రోజుల పాటు ప్రభుత్వ కార్యకలాపాలను నిలిపివేసి అతి సుదీర్ఘ షట్‌డౌన్ రికార్డు సృష్టించింది. ఇప్పటి వరకు అమెరికా చరిత్రలో బిల్ క్లింటన్ ప్రభుత్వానికి 1995లో 21 రోజుల షట్‌డౌన్ జరిగింది.
Details
8సార్లు షట్ డౌన్
క్లింటన్ ఫస్ట్ టర్మ్‌లో హౌస్, సెనేట్‌లో రిపబ్లికన్ల ఆధిపత్యం కొనసాగినప్పుడు భారీ బడ్జెట్ పాస్ చేయాలన్న ఉద్దేశంతో, మెడికేర్ ఖర్చులను తగ్గిస్తూ ఇతర అంశాలకు ప్రాధాన్యత ఇచ్చారు. 2013లో బరాక్ ఒబామా ప్రభుత్వం 16 రోజుల షట్‌డౌన్ ను ఎదుర్కొంది. ఇది ప్రతిపాదిత హెల్త్ కేర్ బిల్లుకు వ్యతిరేకత కారణంగా జరిగింది. రోనాల్డ్ రీగాన్ అధ్యక్షత్వంలో కూడా షట్‌డౌన్‌లుగా పరిస్థితులు ఏర్పడ్డాయి. 1980 దశకంలో ఆయన రెండుసార్లు దేశాధ్యక్షుడుగా ఉండగా, ఆ సమయంలో 8 సార్లు షట్‌డౌన్ చోటుచేసుకుంది. అయితే ఒక్కోసారి బిల్లుల క్లియరెన్స్ ఒకటి లేదా రెండు రోజుల తేడాతో మళ్లీ లభించడం సాధారణం.