Donald Trump: వెనెజువెలాలో సీఐఏ రహస్య ఆపరేషన్‌కు ట్రంప్ అనుమతి !
ఈ వార్తాకథనం ఏంటి
అమెరికాలోకి అక్రమంగా మాదక ద్రవ్యాలు ప్రవేశించడం గురించి అధ్యక్షుడు డొనాల్డ్ ట్రంప్ ప్రారంభం నుంచే తీవ్ర ఆగ్రహం వ్యక్తం చేస్తున్నారు. ఈ నేపథ్యంలో, కరేబియన్ సముద్రంలో మాదక ద్రవ్యాల అక్రమ రవాణా చేస్తున్న పడవలపై అమెరికా సైన్యం ఇటీవల అనేక దాడులు నిర్వహించింది. ఈ పరిణామంలో ట్రంప్ ఒక కీలక విషయాన్ని వెల్లడించారు. వెనెజువెలాలో రహస్య కార్యకలాపాలను నిర్వహించడానికి ఆయన సీఐఏకి అధికారిక అనుమతి ఇచ్చారని ప్రకటించారు. బుధవారం ఓవెల్ కార్యాలయంలో ప్రసంగిస్తూ,ఈ నిర్ణయం వెనుక ఉన్న కారణాలను వివరించారు.
వివరాలు
ట్రంప్ చర్యలను విమర్శించిన జీన్ షాహీన్
వెనెజువెలా నుండి భారీ మొత్తంలో మాదక ద్రవ్యాలు అమెరికాకు చేరుతున్నాయి. సముద్ర మార్గంలో వస్తున్న వాటిని అడ్డుకోవడమే కాకుండా, ఆ దేశ ప్రజలు ఇక్కడ నేరాలకు పాల్పడి యూఎస్ జైళ్లలో ఉన్నారని పేర్కొన్నారు. అలాగే, తదుపరి దాడుల ప్రణాళికలు కూడా ఇప్పటికే మొదలైాయని ట్రంప్ చెప్పారు. ఇక, వెనెజువెలా అధ్యక్షుడు నికోలస్‌ మదురోపై చర్యలు తీసుకొనే అధికారం సీఐఏకు ఉందా అనే ప్రశ్నకు స్పందించేందుకు ట్రంప్ నిరాకరించారు. ట్రంప్ ప్రకటనకు ముందే, ఈ అంశాన్ని ది న్యూయార్క్ టైమ్స్ వెలువరించింది. ట్రంప్ చర్యలను డెమోక్రటిక్ సెనెటర్ జీన్ షాహీన్ తీవ్రంగా విమర్శించారు.
వివరాలు
కరేబియన్ సముద్రంలో భారీ యుద్ధ నౌకలు, జలాంతర్గాములు, అత్యాధునిక ఫైటర్ జెట్లు
మాదక ద్రవ్యాల వ్యతిరేకంగా కఠిన చర్యలకు మద్దతు ఇచ్చినప్పటికీ, కాంగ్రెస్ అనుమతి లేకుండా సీఐఏకు విదేశీ రహస్య కార్యకలాపాల అధికారం ఇవ్వడం, పడవలపై దాడులు నిర్వహించడం సరికాదు అని చెప్పారు. ఆయన చెప్పినట్లయితే, ట్రంప్ పరిపాలన అమెరికాను మరో పెద్ద సంఘర్షణకు దారితీస్తోందని ఆందోళన వ్యక్తం చేశారు. వెనుజువెలా ముఠాల నుంచి మాదక ద్రవ్యాలు అమెరికాను (USA) ముంచెత్తుతున్నాయని ట్రంప్ మొదటినుంచి చెబుతున్నారు. ఆ ముఠాలను అంతం చేసేందుకు ఇటీవల సైన్యాన్ని రంగంలోకి దింపారు. కరేబియన్ సముద్రంలో భారీ యుద్ధ నౌకలు, జలాంతర్గాములు, అత్యాధునిక ఫైటర్ జెట్లను మోహరించారు. ఇప్పటివరకు ఐదు పడవలను ధ్వంసం చేయగా, దాడులలో పలువురు మరణించారని ట్రంప్ స్వయంగా వెల్లడించారు.