India-US Relations: అమెరికాలో ట్రంప్ విజయం.. భారత్‌తో అమెరికా సంబంధాలు ఎలా ఉంటాయంటే?
ఈ వార్తాకథనం ఏంటి
అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి డొనాల్డ్ ట్రంప్ విజయం సాధించారు. దీంతో ఆయన త్వరలోనే అధ్యక్షుడిగా ప్రమాణ స్వీకారం చేయనున్నారు.
ఈ నేపథ్యంలో భారత్-అమెరికా సంబంధాలు ఎలా ఉండబోతున్నాయో అనే ప్రశ్న ఆసక్తిని రేపుతోంది. ట్రంప్ గతంలో అమెరికా విదేశాంగ విధానాన్ని పునరుద్ధరించడంపై ప్రత్యేక దృష్టి పెట్టిన విషయం తెలిసిందే.
ఆయన తొలిసారి అధ్యక్షుడిగా ఉన్నప్పుడు, దేశ ప్రయోజనాలను అత్యధిక ప్రాధాన్యత ఇచ్చారు.
పారిస్ వాతావరణ ఒప్పందం, ఇరాన్ అణు ఒప్పందం వంటి కీలక అంతర్జాతీయ ఒప్పందాలను నుంచి నిష్క్రమించి, వాటి పై తిరిగి చర్చలు జరిపించారు.
ప్రస్తుతం ఆయన మరోసారి అధికారంలోకి వస్తున్న నేపథ్యంలో భారత్‌తో సహా ఇతర దేశాలపై కొంత ప్రభావం పడే అవకాశం ఉంది.
Details
వాణిజ్యమే ప్రధాన అంశం
ఈ ప్రభావం వాణిజ్యం, వలసలు, సైనిక సహకారం, దౌత్యంతో సంబంధించి ఉండొచ్చని అభిప్రాయాలు వ్యక్తమవుతున్నాయి.
భారత్-అమెరికా సంబంధాలను ప్రభావితం చేసే ప్రధాన అంశం వాణిజ్యమని ట్రంప్ గతంలో చెప్పారు.
మన దేశం నుండి ఇతర దేశాలకు ఉత్పత్తులపై అధిక సుంకాలు విధిస్తున్నారని, మనం కూడా వారిలో కొన్ని వస్తువులపై సుంకాలు పెంచాలని భావిస్తున్నామని చెప్పారు.
ఆయన పదవిలో ఉన్నప్పుడు, భారత్‌తో అమెరికా సంబంధాలు బలపడటానికి ఆయన కృషి చేశారు.
మోదీ ప్రభుత్వం గురించి ట్రంప్ ప్రశంసలు తెలిపారు. భారత్‌తో వ్యూహాత్మక భాగస్వామ్యాన్ని పెంచాలని ఆయన ప్రస్తావించారు. భారత్‌కు అమెరికా అత్యంత కీలక వ్యూహాత్మక భాగస్వామిగా కొనసాగుతోంది.
Details
ఇండో-పసిఫిక్ ప్రాంతంలో చైనా ప్రభావాన్ని ఎదుర్కోవచ్చు
తద్వారా ఇరుదేశాల మధ్య సైనిక, రక్షణ ఒప్పందాలు కొనసాగుతుంటాయి.
ఇటీవల హిందుస్థాన్ ఏరోనాటిక్స్ లిమిటెడ్, జనరల్ ఎలక్ట్రిక్ ఏరోస్పేస్ మధ్య అనుబంధ ఒప్పందం కూడా జరిగింది.
ఈ ఒప్పందం ద్వారా భారత వైమానిక దళానికి అవసరమైన ఫైటర్ జెట్ ఇంజిన్లను దేశీయంగా తయారు చేయడానికి అవగాహన ఏర్పడింది.
భారత్-అమెరికా మధ్య ఇండో-పసిఫిక్ ప్రాంతంలో చైనా ప్రభావాన్ని ఎదుర్కోవడం కోసం సహకారం కొనసాగుతుంది.
ఇరుదేశాల మధ్య క్వాడ్ కూటమి సహకారం ఈ విషయంలో కీలకంగా మారే అవకాశాలున్నాయి. ఉగ్రవాదంపై ట్రంప్ ప్రభావంతో భారత్‌కు మరింత సహకారం లభించవచ్చని నిపుణులు అభిప్రాయపడుతున్నారు.