ఉక్రెయిన్-రష్యా యుద్ధం: ఉక్రెయిన్‌కు అమెరికా, జర్మనీ భారీగా యుద్ధ ట్యాంకుల సాయం!
ఈ వార్తాకథనం ఏంటి
రష్యాతో జరుగుతున్న యుద్దంలో ఉక్రెయిన్ వీరోచితంగా పోరాడుతోంది. పుతిన్ సేనలను ధీటుగా ఎదుర్కొనేందుకు అవసరమైన అధునాతన భారీ యుద్ధ ట్యాంకులను ఉక్రెయిన్‌కు పంపాలని అమెరికా, జర్మనీ దేశాలు నిర్ణయించినట్లు తెలుస్తోంది. అమెరికా, జర్మనీ తీసుకున్న ఈ నిర్ణయం రష్యాతో యుద్ధాన్ని పునర్మిస్తుందని ఉక్రెయిన్ ఆశాభావం వ్యక్తం చేస్తోంది.
రష్యా సేనలను ధీటుగా ఎదుర్కోవడానికి, ఉక్రెయిన్ సైనిక శక్తిని బలోపేతం చేయడానికి ఆధునిక ట్యాంకులను సాయం చేయాలని మిత్ర దేశాలను ఉక్రెయిన్ అధ్యక్షుడు జెలెన్‌స్కీ కోరారు. ఈ అభ్యర్థనను అమెరికా, జర్మనీ అంగీకరించి అధునాత భారీ యుద్ధ ట్యాంకులను పాంపాలని నిర్ణయించుకున్నట్లు రాయిటర్స్ వార్తా సంస్థ నివేదించింది. అయితే దీనిపై ఆ రెండు దేశాలు ఇంకా అధికారంగా ఎలాంటి ప్రకటన చేయలేదు.
ఉక్రెయిన్
అమెరికా 30, జర్మనీ 14 యుద్ధ ట్యాంకుల సాయం
ఉక్రెయిన్ అధ్యక్షుడు జెలెన్‌స్కీ అభ్యర్థన మేరకు యుద్ధ ట్యాంకులను పంపేందుకు అమెరికా సిద్ధంగా ఉన్నట్లు ఇద్దరు యూఎస్ అధికారులు రాయిటర్స్‌తో చెప్పారు. 'ఎం1 అబ్రమ్స్' శ్రేణికి చెందిన 30 యుద్ధ ట్యాంకులను ఉక్రెయిన్‌కు పంపేందుకు అమెరికా సిద్ధమవుతోంది.
జర్మనీ ఛాన్సలర్ ఓలాఫ్ స్కోల్జ్ కూడా ఉక్రెయిన్‌కు ఒక కంపెనీ లియోపార్డ్ 2 ఏ6 యుద్ధ ట్యాంకులను పంపాలని భావిస్తున్నట్లు తెలుస్తోంది. ఒక కంపెనీలో 14 యుద్ధ ట్యాంకులు ఉంటాయి. అలాగే పొలాండ్ దేశం కూడా ఉక్రెయిన్‌కు యుద్ధ ట్యాంకులను పంపేందుకు ఇప్పటికే జర్మనీ అంగీకరించిన విషయం తెలిసిందే.
యుద్ధ ట్యాంకులపై అమెరికా, జర్మనీ నుంచి అధికారిక ధృవీకరణ లేనప్పటికీ, త్వరలోనే అవి ఉక్రెయిన్‌కు చేరుకుంటాయని ఆ దేశ అధికారులు ఆశాభావం వ్యక్తం చేస్తున్నారు.