Mike Waltz : జాతీయ భద్రతా సలహదారుగా మాజీ సైనికుడు.. ట్రంప్ మరో కీలక నియామకం
ఈ వార్తాకథనం ఏంటి
2024 జనవరిలో అధికారంలోకి రానున్న రిపబ్లికన్ పార్టీకి చెందిన డొనాల్డ్ ట్రంప్, తన పాలనా బృందాన్ని సమీకరించుకుంటున్నారు. ఇందులో భాగంగా, జాతీయ భద్రతా సలహాదారుగా ఫ్లోరిడా నుంచి కాంగ్రెస్ సభ్యుడు, భారత-అమెరికా కాంగ్రెస్ లో కాకస్ చీఫ్ అయిన మైక్ వాల్ట్జ్‌ను నియమించారు. ఈ నియామకం భారత్-అమెరికా రక్షణ, భద్రతా సంబంధాలను బలపరచడంలో కొత్త దిశగా సానుకూల సూచనలను ఇస్తోంది. 50 ఏళ్ల వయసున్న మైక్ వాల్ట్జ్,రిటైర్డ్ ఆర్మీ కల్నల్‌గా,అమెరికా సైన్యంలో ఎలైట్ స్పెషల్ ఫోర్స్ గ్రీన్ బెరెట్ విభాగంలో కీలక పాత్ర పోషించారు. అఫ్గానిస్తాన్, పశ్చిమాసియాలో అమెరికా మిలిటరీ ఆపరేషన్లలో కీలకంగా పాల్గొన్నారు. తన సేవలకు గాను ఆయన అనేక సార్లు పురస్కృతులైనారు, వాటిలో ప్రముఖమైనది బ్రాంజ్ స్టార్ అవార్డు.
వివరాలు
ఉక్రెయిన్‌కు మద్దతు ఇవ్వడానికి ఐరోపా దేశాలు మరింత కృషి చేయాలని వాల్ట్జ్ పిలుపు
పూర్వ రక్షణ శాఖ మంత్రి డొనాల్డ్ రమ్స్‌ఫెల్డ్ నేతృత్వంలోని పెంటగాన్‌లో అఫ్గాన్ విధాన సలహాదారుగా పని చేసిన అనుభవం వాల్ట్జ్‌కు ఉంది. 2019 నుంచి ఆయన అమెరికా ప్రతినిధుల సభలో సభ్యునిగా కొనసాగుతున్నారు. అలాగే, ప్రతినిధుల సభ ఆర్మ్డ్ సర్వీసెస్ కమిటీ ఛైర్మన్‌గా కూడా పనిచేశారు. 2021లో అఫ్గానిస్తాన్ నుండి అమెరికా సైన్యాలను ఉపసంహరించుకున్నపుడు అధ్యక్షుడు జో బైడెన్‌ను నిలదీసిన సందర్భంలో వాల్ట్జ్ వార్తల్లోకి ఎక్కారు. విదేశాంగ విధానాల పరంగా, ఉక్రెయిన్-రష్యా యుద్ధంలో ఉక్రెయిన్‌కు మద్దతు ఇవ్వడానికి ఐరోపా దేశాలు మరింత కృషి చేయాలని వాల్ట్జ్ పిలుపునిచ్చారు. విదేశాంగ విధాన లక్ష్యాలపై మరింత కఠినంగా వ్యవహరించాల్సిన అవసరముందని ఆయన అభిప్రాయపడ్డారు.
వివరాలు
క్యాపిటల్ హిల్‌లో జరిగిన చారిత్రాత్మక ప్రసంగంలో ఆయన కీలక పాత్ర
నాటో దేశాలు రక్షణ కోసం తగినన్ని నిధులు కేటాయించాలన్న డొనాల్డ్ ట్రంప్ అభిప్రాయానికి వాల్ట్జ్ మద్దతు తెలిపారు. అయితే అమెరికా తక్షణంగా కూటమి నుంచి వైదొలగవలసిన అవసరం లేదన్నారు. మైక్ వాల్ట్జ్ విదేశాంగ విధానాలలో అనుభవజ్ఞుడిగా, భారత్, చైనాతో ఉన్న సంబంధాలను మెరుగుపరిచేందుకు ప్రత్యేక నైపుణ్యాన్ని కలిగిన వ్యక్తిగా నిలిచారు. అమెరికా-భారత మధ్య కీలకమైన రక్షణ, భద్రతా సహకారాన్ని బలపర్చే విధంగా పనిచేసిన వాల్ట్జ్, భారతీయ అమెరికన్ల కాంగ్రెషనల్ కాకస్‌కు కూడా కో-చైర్మన్‌గా ఉన్నారు. 2023లో భారత ప్రధాని నరేంద్ర మోదీ అమెరికా పర్యటన సందర్భంగా క్యాపిటల్ హిల్‌లో జరిగిన చారిత్రాత్మక ప్రసంగంలో ఆయన కీలక పాత్ర పోషించారు.
వివరాలు
నియామకానికి సెనేట్ ఆమోదం
ఇటీవల అమెరికా కాంగ్రెస్‌లో ఏర్పడిన చైనా టాస్క్‌ఫోర్స్‌లో వాల్ట్జ్ కూడా సభ్యునిగా ఉన్నారు. ఇండో-పసిఫిక్ ప్రాంతంలో ఏదైనా సంఘర్షణ తలెత్తితే అమెరికా సైన్యం దూరంగా ఉండాలని ఆయన సూచించారు. పెంటగాన్‌లో పదవిని ఆశించిన వాల్ట్జ్, ట్రంప్ అధినాయకత్వంలో జాతీయ భద్రతా సలహాదారుగా నియమితులవడం విశేషం. ఈ నియామకానికి సెనేట్ ఆమోదం అవసరం లేదు.